Yowann 10:28 - An Bibel Kernewek 20234 (Kernewek Kemmyn)

²⁸ Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

Yowann 10:28 Iomraidhean Croise

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Salmow 31:5

Y'th leuv jy y kemmynnav vy ow spyrys; ty re'm dasprenas, A Arloedh, Duw a wiryonedh.

Salmow 37:28

Rag an Arloedh a gar gwirvreus, ha ny as y syns. Gwithys yns i bynitha, mes has an debeles a vydh treghys dhe-ves.

Lavarow Koth 24:16

Rag den gwiryon a goedh seythgweyth ha sevel arta, mes an debeles yw domhwelys gans droglamm.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Ysay 27:3

My, an Arloedh, a's gwith; prest my a wra hy dowrhe. My a's gwith mo ha myttin rag na's pystikko nagonan.

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 54:17

Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Yeremia 23:4

Ha my a worr bugeledh warnedha dh'aga bugelya; ha ny berthons own namoy na bos dyegrys, na fyllel, yn-medh an Arloedh.

Yeremia 31:3

an Arloedh a omdhiskwedhas dhodho a-bell: My re'th karas gans kerensa heb diwedh; ytho gans tregeredh my re'th tennas.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 32:40

My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Mark 13:22

Rag fals Kristow ha fals profoesi a sev, hag a dhiskwa toknys ha marthusyon, rag toella, mara kyllir, an re dhewisys.

Luk 23:46

Ha Yesu a grias gans lev ughel ha leverel, ‘A Das, y'th tiwleuv y kemmynnav vy ow spyrys.’ Hag ow leverel hemma, ev a anellas y spyrys yn-mes.

Yowann 10:29

Brassa ages pup-tra yw ow Thas, neb a's ros dhymm, ha ny yll denvyth aga hemmeres yn-mes a leuv an Tas.

Yowann 11:25

Yn-medh Yesu dhedhi, ‘My yw an dasserghyans ha'n bewnans; neb a grys ynnov vy, hwath kyn farwo, ev a vew;

Yowann 14:19

Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 18:9

may fe kollenwys an lavar a leveris ev, ‘A'n re a resys dhymm, ny gellis vy nagonan.’

Yowann 3:36

Ev neb a grys y'n Mab a'n jeves bewnans heb diwedh, ha neb na grys y'n Mab ny welvydh bewnans; mes sorr Duw a drig warnodho.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Yowann 6:37

Pup-tra a re an Tas dhymm a dheu dhymm, ha piwpynag a dheffo dhymm, ny wrav vy nevra y dewlel mes.

Yowann 6:47

Yn hwir, yn hwir y lavarav dhywgh, neb a grys a'n jeves bewnans heb diwedh.

Yowann 6:68

Simon Peder a worthybis dhodho, ‘Arloedh, piw y hwren ni mos dhodho? Yma dhis an geryow a vewnans heb diwedh.

Oberow 7:59

Hag i ow labydha Stefan, ev a elwis war Dhuw, ow leverel, ‘Arloedh Yesu, degemmer ow spyrys’,

Romanyon 5:17

Mar reynya mernans dre gammwrians unn den der an unn den na, kemmys moy y hwra reynya yn bewnans an re hag a gemmer palster a'n ras ha'n ro rydh a ewnder der an unn den Yesu Krist.

Romanyon 5:2

ma'gan beus dredho entra dre fydh dhe'n gras may sevyn ynno ha ni a vost yn agan govenek may kevrennyn golewder Duw.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Romanyon 5:9

Ytho a-ban on justifiys gans y woes, dhe voy y fydhyn selwys dredho a gonnar Duw.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Romanyon 8:1

Lemmyn nyns eus dampnya rag an re usi yn Krist Yesu.

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.

Dewteronomi 33:3

Sur ev a gar an poblow; yma oll y syns y'th leuv; hag i a esedh orth dha dreys, ow tegemmeres dha eryow.

Filippianys 1:6

ow trestya dhe'n keth tra ma: neb re dhallathas gwrians da ynnowgh dh'y gowlwul bys yn dydh Yesu Krist;

2 Thessalonianys 2:13

Mes y koedh dhyn grassa dhe Dhuw pup-prys yn agas kever, a vreder meurgerys gans an Arloedh, rag Duw a'gas dewisas y'n dalleth rag selwyans dre sansheans an spyrys ha kryjyans y'n gwir.

1 Timothi 1:16

Mes rakhenna my a gavas tregeredh, may tiskwettho kyns Yesu Krist pub godhevyans ynnov vy rag ensampel dhe'n re a dheu dhe grysi ynno rag bewnans heb diwedh.

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

1 Yowann 1:2

rag an bewnans a veu diskwedhys ha ni re'n gwelas ha dustunia ha leverel dhywgh, an bewnans heb diwedh esa gans an Tas hag a veu diskwedhys dhyn –

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

1 Yowann 2:25

Ha hemm yw an ambos re ambosas dhyn, bewnans heb diwedh.

1 Yowann 5:11

Ha hemm yw an dustuni, Duw dhe ri dhyn bewnans heb diwedh, ha bos an bewnans ma yn y Vab.

Lyther Yud 1:1

Yud, gwas Yesu Krist, broder Jamys, Dhe'n re yw gelwys, karadow yn Duw an Tas ha gwithys rag Yesu Krist:

Lyther Yud 1:21

omwithewgh yn kerensa Duw, ow kwaytya tregeredh agan Arloedh Yesu Krist bys yn bewnans heb diwedh.

Lyther Yud 1:24

Lemmyn dhe neb a yll agas gwitha rag koedha ha'gas gorra heb namm a-rag y wolewder gans heudhder,

1 Samuel 2:9

‘Ev a with treys y dus lel, mes an debeles a vydh tawesek yn tewlder; rag dre alloes ny wra denvyth gwarthevya.