Yowann 10:24 - An Bibel Kernewek 20234 (Kernewek Kemmyn)

²⁴ Ena an Yedhewon a dheuth a-dro dhodho ha leverel dhodho, ‘Pes termyn y'gan synsydh yn fienasow? Mars osta an Krist, lavar dhyn yn apert.’

Yowann 10:24 Iomraidhean Croise

1 Myghternedh 18:21

Ena Elias a dheuth ogas dhe oll an bobel, ha leverel, ‘Pes termyn a vynnowgh kloppya yntra dew dybyans? Mars yw an Arloedh Duw, holyewgh ev; mes mars yw Baal, ena holyewgh ev.’ Mes ny worthybis an bobel ger dhodho.

Matthew 11:3

dhe wovynn orto, ‘Yw ty an den a dal dos po ken onan a wortyn?’

Mark 8:32

Hag ev a gewsi an lavar na apert. Ha Peder a'n kemmeras dhe denewen, ha dalleth y geredhi.

Luk 3:15

Rag bos dhe'n dus gwaytyans meur, hag i oll owth omwovynn yn aga holonn a-dro dhe Yowann, mar pe ev an Krist,

Yowann 1:19

Ha hemm yw dustuni Yowann, pan dhannvonas an Yedhewon oferysi ha Levysi dhodho dhiworth Yerusalem, dhe wovynn orto, ‘Piw osta?’

Yowann 10:31

Ytho an Yedhewon a gemmeras meyn yn-bann arta, rag may hwrellens y labydha.

Yowann 10:33

An Yedhewon a worthybis dhodho, ‘Ny wren dha labydha rag ober da, mes rag blasfemi, ha rag ty, ow pos den, dhe omwul Duw.’

Yowann 16:25

‘My re leveris an taklow ma yn parabolennow; termyn a dheu pan na gowsav dhywgh yn parabolennow na fella mes y terivav dhywgh apert a-dro dhe'n Tas.

Yowann 8:25

Ena i a leveris dhodho, ‘Piw osta?’ Yn-medh Yesu dhedha, ‘An pyth re leveris dhywgh a'n dalleth.

Yowann 8:53

Osta brassa es agan tas Abraham, neb a verwis? Ha'n brofoesi a verwis. Piw yth omwredh ty dhe vos?’

Yowann 9:22

Y gerens a leveris hemma rag bos own dhedha a'n Yedhewon; rag an Yedhewon a wrussa ervira war-barth seulabrys, piwpynag a gonfessa ev dhe vos Krist dhe vos emskemunys a'n synaga.

2 Korinthianys 3:12

Ytho, a-ban eus dhyn govenek a'n par na, ni a ober gans hardhder meur;