Yowann 10:14 - An Bibel Kernewek 20234 (Kernewek Kemmyn)

¹⁴ My yw an bugel da, ha my a aswonn ow deves ow honan, ha'm re ow honan a'm aswonn vy.

Yowann 10:14 Iomraidhean Croise

Salmow 1:6

rag an Arloedh a aswonn fordh an re wiryon, mes fordh an debeles a dhe goll.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Yowann 10:11

‘My yw an bugel da. An bugel da a dhaskorr y vewnans rag y dheves.

Yowann 10:13

Henn yw rag ev dhe vos goberwas, ha ny vern dhodho travyth a-dro dhe'n deves.

Yowann 10:27

Ow deves a glew ow lev, ha my a's aswonn, hag i a'm siw.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 17:8

Rag my re ros dhedha an geryow a resys dhymm, hag i a's degemmeras hag a gonvedhas yn gwirder my dhe dhos ahanas, hag i a grysis ty dhe'm dannvon.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Efesianys 1:17

may rollo an Duw a'gan Arloedh Yesu Krist, an Tas a wolewder, spyrys furneth ha diskwedhyans y'n aswonnvos anodho,

Efesianys 3:19

ha dhe aswonn kerensa Krist a dremen dres aswonnvos, may fewgh lenwys a oll leunder Duw.

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

Diskwedhyans 2:19

‘My a aswonn dha wriansow ha'th kerensa ha'th fydh ha'th wasonieth ha'th perthyans; ha'th wriansow wortiwedh yw moy es dha wriansow wor'talleth.

Diskwedhyans 2:2

‘My a aswonn dha wriansow ha'th lavur ha'th perthyans, ha fatell na yllydh godhav tus dhrog, ha ty re brovas an re a lever aga bos abesteli heb bos yndellma, ha kavoes aga bos gowygyon.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.

Diskwedhyans 3:1

‘Ha dhe el an eglos yn Sardis skrif: An taklow ma a lever neb a'n jeves an seyth Spyrys a Dhuw, ha'n seyth sterenn: ‘My a aswonn dha wriansow. Yma hanow genes ty dhe vewa, mes marow osta.

Diskwedhyans 3:15

‘My a aswonn dha wriansow, nag osta na yeyn na toemm: my a vynnsa may fes yeyn po toemm.

Diskwedhyans 3:8

‘My a aswonn dha wriansow. Otta, my re worras daras igerys a-dheragos, ha denvyth ny yll y dhegea; rag bos krevder byghan genes, ha re withsys ow ger, ha ny neghsys ow hanow.