Yowann 10:1 - An Bibel Kernewek 20234 (Kernewek Kemmyn)

¹ ‘Yn hwir, yn hwir y lavarav dhywgh, neb na dheu a-ji dhe gorlann an deves der an daras mes neb a yskynn war neb fordh arall, henn yw lader ha robbyer.

Yowann 10:1 Iomraidhean Croise

Yeremia 14:15

Ytho yndellma y lever an Arloedh a-dro dhe'n brofoesi a brofoes y'm hanow vy, kyn na's dannvenis, mes hwath i a lever, ‘Ny vydh kledha na divoetter y'n tir ma’: Dre gledha ha divoetter y fydh distruys an brofoesi na.

Yeremia 23:21

Ny dhannvenis an brofoesi mes i a boenyas; ny gewsis dhedha mes i a brofoesas.

Yeremia 23:32

Otta, yth esov erbynn an re a brofoes fals hunrosow, yn-medh an Arloedh, hag a wra aga derivas, ha gul dhe'm pobel mos yn stray der aga gowyow ha'ga bostya; mes ny's dannvenis, na gorhemmynna dhedha; ytho ny vydhons dhe les rag an bobel ma, yn-medh an Arloedh.

Yoel 2:9

Assaltya an sita a wrons; ha poenya war an fos; krambla a wrons war an chiow, hag entra der an fenestri avel lader.

Matthew 7:15

‘Bedhewgh war a fals profoesi, neb a dheu dhywgh yn gwisk deves, mes war-ji yth yns i bleydhi ow ravna.

Yowann 10:7

Ena Yesu a leveris arta, ‘Yn hwir, yn hwir y lavarav dhywgh, my yw daras an deves.

Yowann 3:3

Yesu a worthybis ha leverel dhodho, ‘Yn hwir, yn hwir y lavarav dhis, marnas den a vo genys arta, ny yll gweles gwlaskor Duw.’

Romanyon 10:15

Ha fatell yllir pregoth mar nyns or dannvenys? Dell yw skrifys, ‘Ass yns i teg treys an re ow tyllo nowodhow da!’

Romanyon 16:18

Rag tus a'n par na, ny servyons agan Arloedh Krist mes aga thorr aga honan, ha dre gows teg ha dre gows ow flattra, y toellons kolonn an re wiryon.

Titus 1:11

Res yw gul tewel dhedha, neb a dhomhwel teyluyow dien ow tyski dhedha taklow na dhegoedh rag krefni plos.

Ebrowyon 5:4

Ha ny omgemmer denvyth an enor ragdho y honan, marnas ev a veu gelwys gans Duw, par dell veu Aron.

1 Peder 1:10

An brofoesi, neb a brofoesa a-dro dhe'n gras a vedha dhywgh hwi, a hwilas ha hwithra a-dro dhe'n selwyans ma,

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.