Yowann 1:49 - An Bibel Kernewek 20234 (Kernewek Kemmyn)

⁴⁹ Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

Yowann 1:49 Iomraidhean Croise

Salmow 110:1

An Arloedh a leveris dhe'm Arloedh, ‘Esedh orth ow leuv dhyghow, erna wrylliv dha eskerens dha skavell-droes.’

Salmow 2:6

‘My re worras ow myghtern war Sion, ow menydh sans.’

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Daniel 9:25

Godhvydh ytho ha konvedhes: a-dhia dhyllans an ger rag daswul ha dastrehevel Yerusalem bys devedhyans an pryns untys, y fydh seyth seythunweyth; ha dre dhiw seythun ha tri-ugens y fydh dastrehevys gans plenys ha gans pollgleudh, mes yn prys a ankres.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Sefania 3:15

An Arloedh a gemmeras dhe-ves dha vreusow, ev re fesyas dha eskar: yma myghtern Ysrael, an Arloedh, a-berth ynnos: ny' fydh own a dhroktra namoy.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 14:33

Ha'n re esa y'n gorhel a'n gordhyas, ow leverel, ‘Yn hwir ty yw Mab Duw.’

Matthew 2:2

ow leverel, ‘Ple'ma ev yw genys Myghtern an Yedhewon? Rag ni a welas y sterenn y'n howldrevel hag yth on ni devedhys dh'y wordhya.’

Matthew 21:5

‘Lavar dhe vyrgh Sion, Awotta dha vyghtern a dheu dhiso klor hag esedhys war asen ha war ebel, mab asen.’

Matthew 23:7

ha salusyansow y'n marghasow, ha bos gelwys Rabbi gans tus.

Matthew 23:8

Mes hwi, na bedhewgh gelwys Rabbi; rag onan yw agas dyskador hag oll hwi yw breder.

Matthew 27:11

Ha Yesu a sevis a-rag an governour; ha'n governour a wovynnas orto, ow leverel, ‘Ty yw myghtern an Yedhewon?’ Yn-medh Yesu, ‘Ty a'n lever.’

Matthew 27:42

‘Tus erell ev a's sawyas, ev y honan ny yll omsawya; Myghtern Ysrael ywa, diyskynnes lemmyn a'n grows ha ni a grys dhodho;

Matthew 4:3

Ha'n tempter a dheuth dhodho ha leverel, ‘Mars osta Mab Duw, lavar dhe'n veyn ma bos gwrys bara.’

Mark 15:32

Krist Myghtern Ysrael, diyskynnes lemmyn a'n grows, may hyllyn gweles ha krysi.’ Hag yth esa an re a veu krowsys ganso orth y dhespitya.

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Luk 19:38

ow leverel, ‘Benniges yw an Myghtern a dheu yn hanow an Arloedh. Kres yn nev ha gordhyans y'n ughelder.’

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 1:34

Ha my a welas hag a dhustunias hemma dhe vos Mab Duw.’

Yowann 1:38

Ha Yesu a dreylyas ha'ga gweles owth holya, ha leverel dhedha, ‘Pandr'a hwilowgh?’ Yn-medhons dhodho, ‘Rabbi (henn yw dhe styrya, Dyskador), ple'th esos trigys?’

Yowann 1:50

Yesu a worthybis ha leverel dhodho, ‘Drefenn my dhe leverel dhis, “My a'th welas yn-dann an figbrenn”, a wredh krysi? Ty a wel taklow brassa es henna.’

Yowann 18:37

Ena yn-medh Pilat dhodho, ‘Osta myghtern ytho?’ Yesu a worthybis, ‘Ty a lever, ow bos myghtern. Rakhenna y feuv vy genys, ha rakhenna y teuth vy y'n bys, may hallen dustunia a'n gwiryonedh. Peub neb yw a'n gwiryonedh a glew ow lev.’

Yowann 4:31

Y'n keth termyn y dhyskyblon a'n pysis, ‘Mester, gwra dybri.’