Yowann 1:41 - An Bibel Kernewek 20234 (Kernewek Kemmyn)

⁴¹ Ev a gavas y vroder y honan Simon yn kynsa hag yn-medh ev dhodho, ‘Ni re gavas an Messia’, (yw treylys, Krist).

Yowann 1:41 Iomraidhean Croise

2 Myghternedh 7:9

Ena i a leveris an eyl dh'y gila, ‘Kamm yw an pyth a wren. Dydh a nowodhow da yw an jydh ma. Mar tewyn ha gortos an bora ni a vydh dhe vlamya; ytho deun ha derivas dhe vayni an myghtern.’

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Salmow 89:20

My re gavas Davydh ow gwas; gans ow oyl sans my re'n untyas.

Ysay 11:2

Spyrys an Arloedh a bowes warnodho, spyrys furneth ha konvedhes, spyrys kusul ha nerth, spyrys skians hag own an Arloedh.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Luk 2:17

Ha pan y'n gwelsons, i a dherivas an dra a veu leverys dhedha a-dro dhe'n flogh ma.

Luk 2:38

Ha hi a dheuth nes y'n pols na ha grassa dhe Dhuw, ha kewsel anodho dhe beub a worta daspren Yerusalem.

Yowann 1:45

Felip a gavas Nathanael ha leverel dhodho, ‘Ni re'n kavas neb a skrifas Moyses hag ynwedh an brofoesi anodho y'n lagha, Yesu mab Yosep, a Nazareth.’

Yowann 4:25

Yn-medh an venyn dhodho, ‘My a woer Messia, henwys Krist, dhe dhos; pan dheu, ev a dheriv dhyn pup-tra.’

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,

1 Yowann 1:3

an pyth re welsyn ha re glewsyn a dherivyn orthowgh ynwedh, rag ma'gas bo kowethyans genen: hag yn hwir yma agan kowethyans ni gans an Tas ha gans y Vab, Yesu Krist.