Yowann 1:38 - An Bibel Kernewek 20234 (Kernewek Kemmyn)

³⁸ Ha Yesu a dreylyas ha'ga gweles owth holya, ha leverel dhedha, ‘Pandr'a hwilowgh?’ Yn-medhons dhodho, ‘Rabbi (henn yw dhe styrya, Dyskador), ple'th esos trigys?’

Yowann 1:38 Iomraidhean Croise

1 Myghternedh 10:8

Gwynnvys dha wer! Gwynnvys an re ma dha wesyon, a sev a-ragos heb hedhi ha klewes dha furneth!

Salmow 27:4

Unn dra a wovynnis orth an Arloedh, henna a hwilav: my dhe driga yn chi an Arloedh dres oll dydhyow ow bewnans, dhe vires orth tekter an Arloedh, ha dhe brederi yn y dempel.

Lavarow Koth 13:20

Neb a gerdh gans tus fur a dheu ha bos fur, mes koweth an re foll a berth dregynn.

Lavarow Koth 3:18

Gwydhenn a vewnans yw hi dhe'n re a's syns, ha gwynn y vys neb a's dalghenn fast.

Lavarow Koth 8:34

Gwynnvys an den hag a woslow orthiv, ow koelyas pub dydh war ow yet, ow kwitha war bostow ow darasow.

Kynvannow 5:19

Ty, A Arloedh, a dhur bys vykken; dha se a bes a henedh dhe henedh.

Luk 10:39

Hag yth esa dhedhi hwoer henwys Maria, ha hi ynwedh o esedhys orth treys an Arloedh ow koslowes orth y eryow.

Luk 14:25

Mes yth esa routhow bras ow mos ganso, hag ev a dreylyas ha leverel dhedha,

Luk 15:20

Ytho ev a sevis yn-bann ha mos dh'y das. Hag ev hwath y'n pellder, y das a'n gwelas, ha piteth a'n jeva, hag ev a boenyas hag a goedhas war y gonna hag amma dhodho.

Luk 19:5

Pan dheuth dhe'n tyller, Yesu a viras war-vann Zakkar ha leverel dhodho, ‘Zakkeus, deus yn-nans uskis, rag hedhyw y tal dhymm godriga y'th chi.’

Luk 22:61

Ha'n Arloedh a dreylyas ha mires orth Peder, ha Peder a borthas kov a lavar an Arloedh, fatell leveris dhodho, ‘Kyns an kulyek dhe gana hedhyw, ty a'm denagh teyrgweyth.’

Luk 8:38

Mes an gour may teuth anodho an dhywolow a'n pysi may fe ganso; mes ev a'n dannvonas dhe-ves, ow leverel,

Yowann 1:37

Ha'n dhew dhyskybel a'n klewas ow kewsel, hag i a holyas Yesu.

Yowann 1:39

Yn-medh ev dhedha, ‘Dewgh, ha gwelowgh.’ Ytho i a dheuth ha gweles le mayth esa trigys, hag a wodrigas ganso an jydh na; rag y feu a-dro dhe'n degves eur.

Yowann 1:49

Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

Yowann 12:21

Ytho an re ma a dheuth dhe Felip, neb o a Bethsaida yn Galile, ha govynn orto ow leverel, ‘Syrra, ni a vynn gweles Yesu.’

Yowann 18:4

Rakhenna Yesu, ow kodhvos pup-tra a vedha ow hwarvos dhodho, eth yn-rag ha leverel dhedha, ‘Piw a hwilowgh?’

Yowann 18:7

Ytho arta ev a wovynnas orta, ‘Piw a hwilowgh?’ Hag yn-medhons, ‘Yesu a Nazareth.’

Yowann 3:2

ev a dheuth dhodho yn nos ha leverel dhodho, ‘Rabbi, ni a woer ty dhe vos dyskador devedhys dhiworth Duw; rag ny yll denvyth gul an toknys ma a wredh tejy marnas Duw a vo ganso.’

Yowann 3:26

Hag i a dheuth dhe Yowann ha leverel dhodho, ‘Rabbi, ev neb a veu genes a'n tu arall dhe'n Yordan, a neb ty re dhug dustuni, otta, yma ev ow pesydhya, hag yma pub den oll ow tos dhodho.’

Yowann 4:31

Y'n keth termyn y dhyskyblon a'n pysis, ‘Mester, gwra dybri.’

Yowann 6:25

Ha pan y'n kavsons a'n tu arall dhe'n mor, yn-medhons dhodho, ‘Rabbi, p'eur hwrussys dos omma?’

Oberow 10:21

Ha Peder a dhiyskynnas ha leverel dhe'n wer, ‘Otta, my yw neb a hwilowgh; pyth yw skila agas bos omma?’

Oberow 10:29

rakhenna dhe wir pan veuv gelwys my a dheuth heb hokya. My a wovynn, ytho, prag y tannvensowgh hwi war ow lergh?’

Ruth 1:16

Hag yn-medh Ruth, ‘Na bled genev dha asa, dhe dreylya dhiworth dha lergh, rag plepynag yth ylli, yth av; ha plepynag yth osti, yth ostyav; dha bobel a vydh ow fobel ha dha Dhuw a vydh ow Duw.