Yowann 1:18 - An Bibel Kernewek 20234 (Kernewek Kemmyn)

¹⁸ Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 1:18 Iomraidhean Croise

Jenesis 16:13

Ha hi a elwis hanow an Arloedh neb a gewsis gensi, ‘Ty yw Duw a'm gwel’, rag hi a leveris, ‘A wrugavy ynwedh gweles Duw ha bewa wosa y weles?’

Jenesis 18:33

Ha'n Arloedh eth yn-kerdh kettell wrussa astel kewsel dhe Abraham, hag Abraham eth arta dh'y dyller.

Eksodus 23:21

Koelewgh orto ha goslowes orth y lev, na rebellewgh er y bynn, rag ny wra gava agas treuspass, drefenn bos ow hanow ynno.

Eksodus 24:10

ha gweles Duw Ysrael, hag yth esa yn-dann y dreys kepar ha leur a saffir avel nev y honan yn klerder.

Lavarow Koth 8:30

ena yth esen vy rybdho, avel mester-ser, hag y fedhen vy y dhelit pub-dydhyek, ow lowenhe a-ragdho pup-prys,

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Kynvannow 2:12

I a gri dh'aga mammow, ‘Ple'ma ys ha gwin?’ hag i ow klamdera kepar ha tus woliys yn plenys an sita, ha'ga enev skoellys yn askra aga mammow.

Niverow 12:8

Ganso my a gews ganow orth ganow, yn tiblans, a-der yn kowsow tewl; hag ev a wel furv an Arloedh. Prag ytho na vewgh ownek dhe gewsel erbynn ow gwas Moyses?’

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Luk 10:22

Pup-tra re beu kemmynnys dhymm gans ow Thas, ha denvyth ny aswonn piw yw an Mab marnas an Tas, ha piw yw an Tas marnas an Mab, hag ev neb may fynn an Mab y dhiskwedhes dhodho.’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 12:41

Ysay a leveris hemma rag ev dhe weles y wolewder, hag ev a gewsis anodho ev.

Yowann 13:23

Onan a'n dhyskyblon, ev neb a wre Yesu y gara, esa ow krowedha orth moes ryb askra Yesu;

Yowann 14:9

Yn-medh Yesu dhodho, ‘Esen vy genowgh termyn mar hir, ha ny'm aswonnsys, Felip? Neb re'm gwelas vy re welas an Tas; ha fatell leverydh, “Diskwa dhyn an Tas”?

Yowann 17:26

My a dherivas dhedha dha hanow, ha my a wra y dherivas, may fo ynna i an gerensa dredhi may hwrussys ow hara vy, ha my ynna i.’

Yowann 17:6

‘My re dhiskwedhas dha hanow dhe'n dus a resys dhymm yn-mes a'n bys. Dhiso jy yth ens, ha ty a's ros dhymm, hag i re withas dha er.

Yowann 3:11

‘Yn hwir, yn hwir y lavarav dhis, ni a gews an pyth a wodhon, ha ni a dheg dustuni a'n pyth a welsyn; ha ny dhegemmerowgh agan dustuni.

Yowann 6:46

Nyns yw, nebonan dhe weles an Tas; marnas ev neb usi dhiworth Duw, ev re welas an Tas.

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

Dewteronomi 4:12

Ena an Arloedh a gewsis genowgh yn-mes a gres an tan. Yth esewgh ow klewes son geryow, mes nyns esewgh ow kweles furv, saw son.

Kolossianys 1:15

Imaj yw ev a'n Duw diwel, an kynsa-genys a greasyon oll;

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

Yoshua 5:13

Pan esa Yoshua ryb Yeriko, ev a dhrehevis y dhewlagas ha gweles gour ow sevel a-dheragdho gans y gledha tennys yn y dhorn. Yoshua eth dhodho ha leverel dhodho, ‘Osta ragon ni po rag agan eskerens?’

1 Yowann 4:12

Bythkweth ny welas denvyth Duw. Mar keryn an eyl y gila, Duw a drig ynnon, ha'y gerensa yw perfydhhes ynnon.

1 Yowann 4:20

Mar lever nebonan, ‘My a gar Duw’, ha kasa y vroder, gowleveryas yw: rag neb na gar y vroder a welas ev, ny woer ev kara Duw na welas ev.

1 Yowann 4:9

Dre hemma y feu diskwedhys kerensa Duw orthyn, drefenn Duw dhe dhannvon y unn Vab dineythys y'n bys, rag may fewen dredho.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.