Yowann 1:14 - An Bibel Kernewek 20234 (Kernewek Kemmyn)

¹⁴ Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:14 Iomraidhean Croise

Salmow 2:7

My a dheriv ordenans an Arloedh; ev a leveris dhymm, ‘Ty yw ow mab, hedhyw my re'th tineythis.

Salmow 45:2

Tekka osta jy ages mebyon den; leun a ras yw dha dhiwweus, rakhenna Duw re'th vennigas bynitha.

Salmow 85:9

Yn hwir yma y selwyans ogas dhe'n re a berth own anodho, may trykko golewder yn agan tir.

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Ezekiel 37:27

Ow thrigva a vydh gansa; my a vydh aga Duw, hag i a vydh ow fobel.

Matthew 1:16

ha Yakob a dhineythis Yosep gour Maria, may feu gensi dineythys Yesu, yw gelwys Krist.

Luk 2:11

bos genys ragowgh hedhyw yn sita Davydh Selwyas, neb yw Krist an Arloedh.

Luk 2:7

ha hi a dhineythis hy mab kynsa-genys, ha'y vaylya yn lystennow, ha'y worra a'y wrowedh yn presep, rag nag esa le ragdha y'n ostel.

Luk 9:32

Mes Peder ha'n re ganso o poes gans kosk; ha pan ens i difun i a welas y wolewder ha'n dhew wour ow sevel ganso.

Yowann 1:1

Y'n dalleth yth esa an Ger, hag yth esa an Ger gans Duw, ha'n Ger o Duw.

Yowann 11:40

Yn-medh Yesu dhedhi, ‘A ny leveris dhis, mar krysses, ty a welsa golewder Duw?’

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 14:9

Yn-medh Yesu dhodho, ‘Esen vy genowgh termyn mar hir, ha ny'm aswonnsys, Felip? Neb re'm gwelas vy re welas an Tas; ha fatell leverydh, “Diskwa dhyn an Tas”?

Yowann 17:22

Ha'n glori a resys dhymm, my re'n ros dhedha i, may fons i onan kepar dell on ni onan,

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Yowann 18:37

Ena yn-medh Pilat dhodho, ‘Osta myghtern ytho?’ Yesu a worthybis, ‘Ty a lever, ow bos myghtern. Rakhenna y feuv vy genys, ha rakhenna y teuth vy y'n bys, may hallen dustunia a'n gwiryonedh. Peub neb yw a'n gwiryonedh a glew ow lev.’

Yowann 2:11

Yesu a wrug henna, dalleth y doknys, yn Kana a Alile, ha diskwedhes y wolewder; ha'y dhyskyblon a grysis ynno.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 3:18

Nyns yw breusys neb a grys ynno ev; mes neb na grys yw breusys seulabrys, rag ny grysis yn hanow an unn Vab dineythys a Dhuw.

Yowann 6:51

My yw an bara bew a dheuth yn-nans dhiworth nev; mar teber den a'n bara ma, ev a vew bynitha; ha'n bara a rov yw ow hig, rag bewnans an bys.’

Yowann 8:32

ha hwi a woer an gwir, ha'n gwir a wra agas rydhhe.’

Oberow 13:33

an ambos ma re gollenwis Duw dhyn ni, aga fleghes, ow trehevel Yesu; keffrys dell yw skrifys y'n nessa salm: “Ow mab yth osta, Hedhyw my re'th tineythis.”

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Romanyon 9:5

dhedha yth yw an ugheldasow hag a'ga eghenn, war-lergh an kig, yw Krist usi a-ugh oll, Duw benniges bys vykken. Amen.

1 Korinthianys 15:47

A'n dor yth o an kynsa den, den a dhoust; a nev yth yw an nessa den.

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Kolossianys 1:19

Rag ynno pub leunder a Dhuw a veu plesys dhe driga,

Kolossianys 2:3

yn neb yma kudhys pub tresor a furneth ha godhvos.

Kolossianys 2:9

rag ynno ev y trig pub leunder a'n Duwsys, yn korfek.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Ebrowyon 1:5

Rag dhe by el y leveris Duw bythkweth, ‘Ty yw ow Mab; hedhyw my re'th tineythis’? Po arta, ‘My a vydh Tas dhodho, hag ev a vydh dhymm Mab’?

Ebrowyon 10:5

Hemm yw prag, pan dheuth Krist dhe'n bys, ev a leveris, ‘A sakrifis hag offrynn, ny' feu hwans, mes korf re bareussys ragov;

Ebrowyon 2:11

Rag ev neb a sansha, ha'n re yw sanshes, yw oll a'n unn devedhyans. Henn yw prag na'n jeves meth dh'aga gelwel breder,

Ebrowyon 5:5

Ytho ynwedh, ny wrug Krist omughelhe dhe vos gwrys arghoferyas, mes y feu res dhodho ganso ev neb a leveris dhodho, ‘Ty yw ow Mab, hedhyw my re'th tineythis’;

1 Yowann 4:14

Ha ni re welas ha ni a deg dustuni, y hwrug an Tas dannvon an Mab dhe vos Selwador an bys.

1 Yowann 4:9

Dre hemma y feu diskwedhys kerensa Duw orthyn, drefenn Duw dhe dhannvon y unn Vab dineythys y'n bys, rag may fewen dredho.

2 Yowann 1:7

Rag toelloryon bals re entras y'n bys, na gonfessyons Yesu Krist dhe vos devedhys y'n kig. Hemm yw an toeller ha'n Antekrist.

Diskwedhyans 19:13

Ha gwiskys o yn mantell troghys yn goes: ha gelwys yw y hanow, ‘Ger Duw.’

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.