Yoshua 9:4 - An Bibel Kernewek 20234 (Kernewek Kemmyn)

⁴ i a wrug gweythres fel: i eth ha pareusi boes rag an vyaj, hag i a gemmeras seghyer usys rag aga asenes, ha kreghyn gwin, usys ha folsys ha gwriys gans kloutys,

Yoshua 9:4 Iomraidhean Croise

Jenesis 34:13

Ha mebyon Yakob a worthybis Shekem ha Hamor y das yn unn doella; i a gewsis yndella drefenn ev dhe dhefola Dina aga hwoer.

Salmow 119:83

Rag desyghys ov vy avel botell yn mog; ny ankevis dha ordenansow

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Matthew 9:17

Keffrys ny worrons gwin nowydh yn gwingreghyn koth; poken an kroghen a vydh terrys ha'n gwin a vydh skoellys ha'n kreghyn distruys; mes i a worr gwin nowydh yn kreghyn nowydh, ha'n dhew a vydh gwithys.’

Mark 2:22

Ha ny wra denvyth gorra gwin nowydh yn gwingreghyn koth; poken an gwin nowydh a derr an kreghyn, ha'n gwin ha'n kreghyn a vydh diswrys; mes gwin nowydh a dal bos gorrys yn kreghyn nowydh.’

Luk 16:8

Ha'n mester a gommendyas an rennyas dislel, rag ev dhe wul yn fur. Rag mebyon an bys ma yw moy doeth a-dro dh'aga hevoesogyon es dell yw mebyon an golow.

Yoshua 9:12

Hemm yw agan bara; ni a'n kemmeras toemm hwath dhiworth agan chiow rag agan boes rag an vyaj, an jydh mayth ethen yn-mes dhe vos dhywgh, mes lemmyn, mirewgh, desyghys ha brewsyon yw;

Yoshua 9:13

ha nowydh o an kreghyn gwin ma pan y's lenwsyn, ha mirewgh, folsys yns; ha'gan dillas ha sandalyow ma yw usys drefenn an vyaj pur bell.’

Yoshua 9:3

Mes pan glewas annedhysi Gibeon an pyth a wrug Yoshua dhe Yeriko ha dhe Ay,

Yoshua 9:5

ha sandalyow usys ha kloutys war aga threys, ha dillas usys warnedha; hag oll an bara rag aga vyaj a veu desyghys ha brewsyon.