Yoshua 8:8 - An Bibel Kernewek 20234 (Kernewek Kemmyn)

⁸ Wosa kemmeres an sita, hwi a worr tan ynni; war-lergh gorhemmynn an Arloedh hwi a wra. Mirewgh, my re worhemmynnis dhywgh.’

Yoshua 8:8 Iomraidhean Croise

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

Dewteronomi 20:16

Saw a drevow an poblow ma a wra an Arloedh dha Dhuw aga ri dhis avel eretons, ny esydh yn few travyth a anell,

Yoshua 1:16

I a worthybis dhe Yoshua, ow leverel: ‘Pup-tra a worhemmynnsys dhyn, ni a'n gwra, hag yth en ni plepynag y'gan dannvenydh.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Yoshua 6:24

I a loskas an sita ha pup-tra ynni gans tan; saw an arghans ha'n owr, ha'n lestri a vrons ha horn i a worras yn tresorva chi an Arloedh.

Yoshua 8:13

Ytho i a dhesedhas an soudoryon, gans an kamp yn kledhbarth an sita ha'n re dhelergh a'n howlsedhes dhe'n sita. Mes Yoshua a spenas an nos na y'n nans.

Yoshua 8:2

Ty a wra dhe Ay ha'y vyghtern dell wrussys dhe Yeriko ha'y vyghtern; saw ty a yll gwitha ragowgh agas honan an preydh ha'n bestes. Sett kontrewaytyans erbynn an sita, a-dryv dhedhi.’

Yoshua 8:22

Y feu an re a dhothya yn-mes a'n sita er aga fynn kes a-ji gans an Ysraelysi war dhew denewen; hag i a's ladhas bys pan nag esa gesys dianker vytholl; nagonan ny skapyas.

Yoshua 8:28

Yoshua a loskas Ay, ha'y wul bys vykken krug a vagoryow, tyller ynyal dell yw bys y'n jydh ma.

Yoshua 8:7

Ena hwi a sev yn-bann dhiworth an kontrewaytyans ha kemmeres an sita; rag an Arloedh dha Dhuw a's re yn agas leuv.

Yoshua 8:9

Ytho Yoshua a's dannvonas yn-mes; hag i eth dhe dyller an kontrewaytyans, ha gortos yntra Bethel hag Ay, a'n howlsedhes dhe Ay; mes Yoshua a spenas a'n nos na yn kres an lu.

Breusysi 4:6

Hi a dhannvonas ha gelwel Barak mab Abinoam a Kedesh Naftali, hag a leveris dhodho, ‘An Arloedh, Duw Ysrael a'th worhemmynn, “Ke ha hembronk yn-mes deg mil wour a vebyon Naftali hag a vebyon Zebulun, ha'ga dri genes dhe venydh Tabor.