Yoshua 8:35 - An Bibel Kernewek 20234 (Kernewek Kemmyn)

³⁵ Nyns esa ger a oll a worhemmynnis Moyses na lennas Yoshua a-rag oll kuntelles Ysrael, gans an benynes, an re vyghan, ha'n alyons esa trigys yn aga mysk.

Yoshua 8:35 Iomraidhean Croise

Ezra 10:1

Lemmyn pan esa Ezra ow pysi ha konfessya, owth oela hag owth omdewlel dhe'n dor a-rag chi Duw, routh pur vras a Ysraelysi, gwer, benynes ha fleghes, a omguntellas a-dro dhodho; rag yth esa an bobel owth oela yn feur.

Nehemia 8:2

Hag Ezra an oferyas a dhros an lagha a-dherag an kuntelles, keffrys gwer ha benynes, ha peub a allas klewes gans konvedhes, yn kynsa dydh an seythves mis.

Nehemia 8:3

Hag ev a lennas an lagha y'n plen a-dherag Yet an Dowr dhiworth myttin a-varr bys hanter-dydh, a-dherag gwer ha benynes, ha tus a allas konvedhes; hag oll an bobel a woslowas gans rach orth lyver an lagha.

Eksodus 12:38

Lu kemmyskys eth gansa ynwedh, ha pur lies gwarthek, hag oghen ha greow.

Yeremia 26:2

Yndellma y lever an Arloedh: Sav yn klos chi an Arloedh, ha kows dhe oll sitys Yuda hag a dheu dhe wordhya yn chi an Arloedh; kows dhedha oll an geryow a worhemmynnav dhis; na as ger vyth mes.

Yoel 2:16

Kuntellewgh an bobel, sakrewgh an kuntelles, gelwewgh an dus hen war-barth, kuntellewgh an fleghes ha'n re ow tena an vronn: gases an gour pries y stevell, ha'n venyn bries hy chambour.

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Mark 10:14

Mes pan welas Yesu henna, ev a veu serrys, hag a leveris dhedha, ‘Gesewgh an fleghesigow dhe dhos dhymmo vy, ha na wrewgh aga lettya, rag dhe re a'n par ma yw gwlaskor Duw.

Oberow 20:27

rag ny omwithis vy rag derivas dhywgh oll an gusul a Dhuw.

Oberow 21:5

Mes, ha'gan dydhyow ena diwedhys, ni eth alena ha pesya yn agan vyaj, i oll gans aga gwragedh ha'ga fleghes orth agan hembronk yn-mes a'n sita. Ena ni eth war benn-dewlin y'n treth ha pysi

Dewteronomi 29:10

Yth esowgh hwi oll ow sevel hedhyw a-rag an Arloedh agas Duw: agas pennow, agas loethow, agas henavogyon, ha'gas soedhogyon, pub gour a Ysrael,

Dewteronomi 29:11

agas fleghes, agas benynes, an alyon usi a-ji dhe'th kamp, dhiworth kuntellor dha geunys bys tenner dha dhowr,

Dewteronomi 29:9

Gwithewgh geryow an kevambos ma ha'ga gul, rag may sewennowgh yn pup-tra a wrewgh.

Dewteronomi 31:12

Kuntell an bobel, an wer, ha'n benynes, ha'n fleghes, ha'n alyon usi y'th yetys, rag may klewvons ha rag may tyskons ha perthi own a'n Arloedh agas Duw ha gwaytyas gul oll geryow an lagha ma,

Dewteronomi 4:2

Na geworrewgh dhe'n ger esov ow korhemmynna dhywgh, ha na gemmerewgh dhe-ves anodho, dhe witha gorhemmynnow an Arloedh agas Duw esov ow korhemmynna dhywgh.