Yoshua 8:33 - An Bibel Kernewek 20234 (Kernewek Kemmyn)

³³ Oll Ysrael, keffrys alyon ha genesik, y henavogyon ha'n soedhogyon, ha'y vreusysi a sevis a'n eyl tu a'n argh ha'y gila a-dal an oferysi leviek, a dhug argh kevambos an Arloedh. Yth esa hanter anedha a-dal menydh Gerizim ha hanter anedha a-dherag menydh Ebal, dell worhemmynnis Moyses gwas an Arloedh kyns, i dhe venniga pobel Ysrael.

Yoshua 8:33 Iomraidhean Croise

Eksodus 12:49

Y fydh unn lagha rag an genesik ha rag an alyon usi trigys yntredhowgh.

Levitikus 24:22

Y fydh unn lagha dhywgh, an alyon ha'n genesik maga ta, rag an Arloedh agas Duw ov vy.

Niverow 15:15

Rag an gemmynieth, y fydh unn ordenans ragowgh ha rag an alyon usi trigys genowgh, ordenans bys vykken der agas henedhow; par dell owgh, yndella y fydh an alyon a-rag an Arloedh.

Niverow 15:16

Unn lagha hag unn rewl a vydh ragowgh hwi ha rag an alyon a wodrik genowgh.

Niverow 15:29

Ty a' fydh unn lagha rag neb a gammwra heb y wodhvos rag an den yw genesik yn mysk mebyon Ysrael, ha rag an alyon usi trigys yn aga mysk yntredha.

Yowann 4:20

Agan tasow re wordhyas y'n menydh ma; ha hwi a lever, bos yn Yerusalem an tyller may tegoedh gordhya.’

Dewteronomi 11:29

Pan wra an Arloedh dha Dhuw dha dhri bys y'n tir mayth esos ow tos di dh'y erita, ty a re an vennath war venydh Gerizim, ha'n volleth war venydh Ebal.

Dewteronomi 31:12

Kuntell an bobel, an wer, ha'n benynes, ha'n fleghes, ha'n alyon usi y'th yetys, rag may klewvons ha rag may tyskons ha perthi own a'n Arloedh agas Duw ha gwaytyas gul oll geryow an lagha ma,

Dewteronomi 31:25

ev a worhemmynnis dhe'n Levysi, degoryon argh kevambos an Arloedh, ow leverel,

Dewteronomi 31:9

Ytho Moyses a skrifas an lagha ma, ha'y ri dhe'n oferysi leviek, degoryon argh kevambos an Arloedh, ha dhe oll henavogyon Ysrael.

Yoshua 23:2

Yoshua a elwis oll Ysrael, aga henavogyon, aga rewloryon, aga breusysi ha'ga soedhogyon, ha leverel dhedha, ‘Gyllys koth ov lemmyn y'm dydhyow;

Yoshua 24:1

Ena Yoshua a guntellas oll loethow Ysrael yn Shekem, ha gelwel henavogyon Ysrael, an rewloryon, an vreusysi ha'n soedhogyon; hag i a sevis a-dherag Duw.

Yoshua 3:14

Ytho pan eth an bobel yn-rag dhiworth aga thyldow dhe dreusi an Yordan, an oferysi esa ow toen argh an kevambos eth a-rag an bobel.

Yoshua 3:3

hag i a worhemmynnis dhe'n bobel ow leverel, ‘Pan welowgh argh kevambos an Arloedh agas Duw, ha'n oferysi, an Levysi, orth hy doen, hwi ynwedh ewgh yn-rag a'gas tyller ha'y holya.

Yoshua 3:6

Ha Yoshua a gewsis dhe'n oferysi, ow leverel, ‘Drehevewgh argh an kevambos, ha treusewgh a-dherag an bobel.’ Ytho i a dhrehevis argh an kevambos ha mos a-dherag an bobel.

Yoshua 4:10

An oferysi esa ow toen an argh a sevi yn kres an Yordan, bys pan veu kollenwys pup-tra a wrug an Arloedh y worhemmynna dhe Yoshua dhe leverel dhe'n bobel, war-lergh pup-tra a wrug Moyses y worhemmynna dhe Yoshua. Ha'n bobel a dreusis yn unn fistena.

Yoshua 4:18

Pan yskynnas yn-mes a'n Yordan an oferysi esa ow toen argh kevambos an Arloedh, ha pan veu godhnow treys an oferysi drehevys dhe'n tir sygh, dowrow an Yordan a dhehwelis dh'aga thyller ha fenna dres y lannow avel kyns.

Yoshua 6:6

Ytho Yoshua mab Nun a elwis an oferysi ha leverel dhedha, ‘Degewgh argh an kevambos, ha gas seyth oferyas dhe dhoen seyth hirgorn a gern hordhes a-rag argh an Arloedh.’