Yoshua 8:31 - An Bibel Kernewek 20234 (Kernewek Kemmyn)

³¹ dell worhemmynnis Moyses gwas an Arloedh dhe'n Ysraelysi, dell yw skrifys yn lyver lagha Moyses, ‘Alter meyn dien, na vons treghys gans toul a horn’; hag i a offrynnas warnedhi offrynnow leskys dhe'n Arloedh, ha sakrifia offrynnow kres.

Yoshua 8:31 Iomraidhean Croise

2 Myghternedh 14:6

Mes ny ladhas fleghes an voldroryon, herwydh an pyth yw skrifys yn lyver lagha Moyses, le may worhemmynnis an Arloedh, ‘Ny vydh tasow ledhys rag mebyon, ha ny vydh mebyon ledhys rag tasow; mes pubonan a vydh ledhys rag y begh y honan.’

2 Myghternedh 22:8

Hilkia an arghoferyas a leveris dhe Shafan an skrifwas, ‘My re gavas lyver an lagha yn chi an Arloedh.’ Ha Hilkia a ros an lyver dhe Shafan hag ev a'n redyas.

2 Kroniklys 25:4

Mes ny ladhas aga mebyon, herwydh an pyth yw skrifys y'n lagha yn lyver Moyses, le may hworhemmynnis an Arloedh, ‘Ny vydh tasow ledhys a-barth mebyon, na mebyon a-barth tasow, mes pubonan a ledhir rag y beghes y honan.’

2 Kroniklys 35:12

I a worras dhe dhenewen an offrynnow leskys, rag ma's kevrennens herwydh bagasow a jiow tasow an bobel, rag offrynna dhe'n Arloedh, dell yw skrifys yn lyver Moyses. Hag i a wrug an keth tra gans an terewi.

Ezra 6:18

Hag i a settyas an oferysi yn aga rannow, ha'n Levysi yn aga bagasow, rag servis Duw yn Yerusalem, dell yw skrifys yn lyver Moyses.

Nehemia 13:1

Y'n jydh na, i a lennas yn-mes a lyver Moyses yn klewans an bobel; hag ynno y feu kevys skrifys na dal entra nevra naneyl Ammonyas na Moabyas a-ji dhe guntelles Duw,

Eksodus 18:12

Ha Yethro, hwegron Moyses, a offrynnas offrynn leskys ha sakrifisow dhe Dhuw, hag Aron a dheuth gans oll an henavogyon a Ysrael dhe dhybri bara gans hwegron Moyses a-rag Duw.

Eksodus 24:5

Hag ev a dhannvonas gwer yowynk a vebyon Ysrael, neb a offrynnas offrynnow leskys ha sakrifia offrynnow kres a lodhnow dhe'n Arloedh.

Matthew 12:26

Ha Satnas mara tewl ev Satnas yn-mes, rynnys yw erbynn y honan; ytho fatell yll y wlaskor sevel?

Dewteronomi 27:2

Hag y'n jydh may treusowgh an Yordan dhe'n tir a wra an Arloedh dha Dhuw y ri dhis, ty a dhrehav ragos menhiryon bras, ha'ga flastra gans lim.

Dewteronomi 27:8

Ha skrif war an meyn oll geryow an lagha ma, yn pur gler.

Yoshua 1:8

Ny dhiberth an lyver ma a'n lagha dhiworth dha anow, mes ty a ombreder warnodho dydh ha nos, rag may hwaytti gul war-lergh pup-tra yw skrifys ynno. Rag ena ty a wra dhe'th fordh spedya, hag ena y fydh dhis sewena.