Yoshua 7:7 - An Bibel Kernewek 20234 (Kernewek Kemmyn)

⁷ Yoshua a leveris, ‘Eghan, Arloedh Duw, prag y tresys an bobel ma dres an Yordan rag agan ri yn leuv an Amorysi dhe vos distruys? Unnweyth a pen ni pes da ow triga a'n tu arall dhe'n Yordan!

Yoshua 7:7 Iomraidhean Croise

2 Myghternedh 3:10

Ena yn-medh myghtern Ysrael, ‘Ellas! Ny wrug an Arloedh agan gelwel, an tri myghtern ma, marnas may hwrella agan ri yn leuv Moab.’

Salmow 116:11

My a leveris yn ow fysk, ‘Tus oll yw gowleverysi.’

Eksodus 16:3

ow leverel dhedha, ‘Unnweyth a marwen orth leuv an Arloedh yn pow Ejyp, pan en esedhys ryb an sethow-kig ha pan dhybryn bara dhe walgh! rag hwi re'gas dros yn-mes dhe'n gwylvos ma dhe ladha an gemmynieth oll dre nown.’

Eksodus 17:3

Mes an bobel a's tevo syghes ena rag dowr, ha'n bobel a grodhvolas war Moyses, ow leverel, ‘Prag y'gan hembrenksys yn-mes a Ejyp, dh'agan ladha ha'gan fleghes ha'gan gwarthek dre syghes?’

Niverow 14:16

“Drefenn na allas an Arloedh dri an bobel bys y'n tir a dos y ri dhedha, yndella ev re's ladhas y'n gwylvos.”

Niverow 14:3

Prag y hwra an Arloedh agan dri y'n tir ma, dhe goedha der an kledha? Agan gwragedh ha'gan re vyghan a vydh preydh; a ny via gwell dehweles dhe Ejyp?’

Matthew 17:17

Ha Yesu a worthybis ha leverel, ‘A henedh diskryjyk ha kammhynsek, pes termyn y fydhav genowgh? Pes termyn y res dhymm agas perthi? Dro ev omma dhymmo.’

Matthew 17:20

Yn-medh Yesu dhedha, ‘Drefenn agas boghes fydh; rag yn hwir y lavarav dhywgh, mars eus genowgh fydh kemmys ha hasenn kedhow, hwi a lever dhe'n menydh ma, “Ty bydh removyes alemma yn-hons”, ha removyes vydh; ha travyth ny vydh dres agas galloes.

Ebrowyon 12:5

Hag a ankevsowgh an ger a gonfort a gews orthowgh avel mebyon? ‘Ow Mab, na wra dispresya dyskybleth an Arloedh, na bos digolonnek pan vi keskys ganso.

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.

Yoshua 7:8

A Arloedh, pandr'a lavarav, pan dreylyas Ysrael aga hilbenn dh'aga eskerens?

Breusysi 20:23

An Ysraelysi eth yn-bann hag a oelas a-rag an Arloedh bys y'n gorthugher; hag a wovynnas a'n Arloedh, ‘A dheun nes arta dhe vatalyas orth agan breder an Benyaminysi?’ Ha'n Arloedh a leveris, ‘Kewgh yn-bann er aga fynn.’

1 Samuel 4:3

Pan dheuth an bobel y'n kamp, henavogyon Ysrael a leveris, ‘Prag y'gan fethas an Arloedh hedhyw a-dherag an Filistysi? Dren ni argh kevambos an Arloedh omma a-dhiworth Shilo rag may hallo dos yn agan mysk ha'gan sawya mes a leuv agan eskerens.’