Yoshua 7:24 - An Bibel Kernewek 20234 (Kernewek Kemmyn)

²⁴ Ena Yoshua hag oll Ysrael ganso a gemmeras Akan mab Zeragh, ha'n arghans, ha'n vantell, ha'n barr a owr, ha'y vebyon, ha'y vyrghes, ha'y oghen, ha'y asenes, ha'y dheves, ha'y dylda, hag oll a'n jeva; hag i a's dros dhe nans Aghor.

Yoshua 7:24 Iomraidhean Croise

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Job 20:15

Ev a lenk rychys, ha'ga hwyja arta; Duw a's estewl dhiworth y dorr.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Lavarow Koth 15:27

Neb yw kraf war-lergh gwayn anewn a wra trobel rag y deylu, mes neb a gas falswobrow a vew.

Ekklesiastes 5:13

Yma drog ankensi re welis yn-dann an howl – rychys kuntellys gans y berghennek dh'y bystik y honan,

Ysay 65:10

Sharon a vydh peurva rag deves, ha nans Aghor powesva rag flokkys, rag ow fobel neb a'm hwila.

Hosea 2:15

My a re dhedhi hy gwinlannow alena, ha nans Akor avel daras govenek. Ena hi a worthyp kepar hag yn dydhyow hy yowynkneth, kepar hag y'n jydh may teuthons yn-bann yn-mes a bow Ejyp.

Yoshua 15:7

Ena an or eth yn-bann dhe Debir dhiworth nans Akor, ha treylya dhe'n gledhbarth dhe Gilgal, usi a-dal bolgh Adummim, a'n barth dhyghow dhe'n nans. An or a besyas dhe dhowrow En-shemesh, hag yth esa hy diwedh orth En-rogel.

Yoshua 22:20

A ny veu Akan mab Zeragh dislel a-dro dhe'n taklow sakrys dhe dhistruans, hag yth esa sorr war oll kuntelles Ysrael? Ny veu ev an unn gour eth dhe goll rag y gammweyth.” ’

Yoshua 6:18

Mes hwi, omwithewgh dhiworth an taklow sakrys dhe dhistruyans, ma na wrewgh aga hwansa ha kemmeres neppyth sakrys, ha gul kamp Ysrael y honan sakrys, ha dri terroesa warnodho.

Yoshua 6:21

Ena i a sakras dhe dhistruans gans min an kledha oll esa y'n sita, gwer ha benynes, gwer yowynk ha hen, oghen, deves hag asenes.

Yoshua 7:1

Mes mebyon Ysrael a veu dislen yn mater an taklow sakrys; Akan mab Karmi mab Zabdi mab Zeragh, a loeth Yuda, a gemmeras re a'n taklow sakrys; ha sorr an Arloedh a loskas erbynn an Ysraelysi.

Yoshua 7:23

I a's kemmeras yn-mes a'n tylda ha'ga dri dhe Yoshua ha dhe oll an Ysraelysi; hag i a's gorras a-rag an Arloedh.

Yoshua 7:26

ha drehevel a-ughto kals meyn usi ena bys y'n jydh ma. Ena an Arloedh a dreylyas dhiworth y sorr fers. Ytho hanow an tyller na re beu nans Aghor bys y'n jydh ma.