Yoshua 7:2 - An Bibel Kernewek 20234 (Kernewek Kemmyn)

² Yoshua a dhannvonas gwer dhiworth Yeriko dhe Ay, usi ogas dhe Beth-aven, a'n howldrevel dhe Bethel, hag a leveris dhedha, ‘Kewgh yn-bann hag aspia an tir.’ Ha'n wer eth yn-bann hag aspia Ay.

Yoshua 7:2 Iomraidhean Croise

Jenesis 12:8

Ena ev eth alena bys yn menydh a'n est dhe Bethel ha settya y dylda yn-bann yntra Bethel y'n howlsedhes hag Ay y'n est, ha drehevel ena alter dhe'n Arloedh ha gelwel war hanow an Arloedh.

Jenesis 28:19

Hag ev a elwis hanow an tyller na Bethel, mes Luz o hanow an sita kyns.

1 Myghternedh 12:29

Ev a settyas an eyl yn Bethel, ha'y gila ev a worras yn Dan.

Nehemia 11:31

Mebyon Benyamin a drigas yn Geba, Mikmash, Ayya, Bethel ha'y threvow,

Lavarow Koth 20:18

Towlow yw fondys dre gusul; gwra gwerrya dre gevarwoedhyans fur.

Lavarow Koth 24:6

Rag dre gevarwoedhyans y hyllydh gwerrya, hag yma budhogoleth yn palster a gonseloryon

Ysay 10:28

ev re dheuth dhe Ayath; ev re dremenas dre Migron; yn Mikmash ev a settyas y fardellow yn-nans.

Yeremia 49:3

Oul, A Heshbon, rag Ay yw gwastys! Kriewgh, A vyrghes Rabba, Omwrogysewgh gans yskar, galarewgh, ha poenyewgh omma hag ena ryb an keow. Rag Milkom a yn divroedh, war-barth gans y oferysi ha'y bennsevigyon.

Hosea 4:15

Kyn hwredh fornikasyon, a Ysrael, bynner re bo Yuda kablus. Na dhewgh hwi dhe Gilgal, na mos yn-bann dhe Beth-aven, na ti ‘Dell vew an Arloedh!’

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Efesianys 5:15

Gwaytyewgh dour ytho fatell gerdhowgh, avel tus fur, a-der anfur,

Yoshua 12:9

myghtern Yeriko, onan; myghtern Ay, ogas dhe Bethel, onan;

Yoshua 18:12

Yth esa aga or war denewen an gledhbarth ow talleth dhiworth an Yordan; ha'n or eth yn-bann dhe leder Yeriko a'n gledhbarth, ha mos yn-bann troha'n howlsedhes bys y'n vro venydhyek; hag yth esa hy diwedh yn gwylvos Beth-aven.

Yoshua 2:1

Yoshua mab Nun a ragdhannvonas dew wour dhiworth Shittim dhe aspia yn-dann gel, ow leverel, ‘Kewgh dhe vires orth an tir, hag yn arbennik Yeriko.’ Ytho i eth, ha dos dhe ji hora, Rahab hy hanow, hag i a spenas an nos ena.

Yoshua 7:3

Ena i a dhehwelis dhe Yoshua ha leverel dhodho, ‘Nyns yw res oll an lu dhe vos yn-bann; gas a-dro dhe dhew po tri mil wour dhe omsettya erbynn Ay. Na wra dhe oll an lu lavurya di, rag nebes yns.’

1 Samuel 13:5

An Filistysi a omguntellas war-barth dhe vatalyas orth Ysrael, tri mil jarett, ha hwegh mil varghek, ha pobel kepar ha'n tewes usi war an morrep yn niver; hag i a dheuth yn-bann ha kampya yn Mikmash, a'n est dhe Beth-aven.

1 Samuel 14:23

Yndella an Arloedh a sawyas Ysrael an jydh na; ha'n vatel a lesas yn-mes bys yn Beth-aven.

1 Samuel 30:27

Yth o rag an re esa yn Bethel, ha dhe'n re esa yn Ramoth an Negeb, ha dhe'n re esa yn Yattir,