Yoshua 7:1 - An Bibel Kernewek 20234 (Kernewek Kemmyn)

¹ Mes mebyon Ysrael a veu dislen yn mater an taklow sakrys; Akan mab Karmi mab Zabdi mab Zeragh, a loeth Yuda, a gemmeras re a'n taklow sakrys; ha sorr an Arloedh a loskas erbynn an Ysraelysi.

Yoshua 7:1 Iomraidhean Croise

Jenesis 34:27

Mebyon Yakob a dheuth war an re ledhys, ha pylla an sita, rag i dhe dhefola aga hwoer.

2 Samuel 24:1

Arta sorr an Arloedh a dhewis erbynn Ysrael, hag ev a vovyas Davydh er aga fynn ha leverel, ‘Ke ha nivera Ysrael ha Yuda.’

2 Myghternedh 5:24

Ha pan dheuth ev dhe vre an sita ev a's kemmeras dhiworth aga diwla ha'ga gorra y'n chi; hag ev a's gasas dhe vos, hag i a dhibarthas.

1 Kroniklys 21:7

Duw ynwedh a veu displesys gans an dra ma, hag ev a weskis Ysrael.

2 Kroniklys 24:18

I a forsakyas chi an Arloedh, Duw aga thasow, hag a servya an Asherim ha'n peulveyn. Konnar a dheuth war Yuda ha war Yerusalem drefenn aga hammweyth.

Ezra 9:6

ha leverel, ‘Ow Duw, meth a'm beus hag ankombrys ov may trehavav ow fas dhis, ow Duw: drefenn bos agan drogoberow ynkressys a-ugh agan penn, ha'gan kammweyth ughelhes bys y'n nevow.

Job 35:8

Ny wra dha sherewynsi tochya marnas gour kepar ha ty, ha ny doch dha ewnder marnas mebyon tus.

Ekklesiastes 9:18

Gwell yw furneth ages arvow kas; mes unn peghador a yll distrui meur a dhader.

Daniel 9:7

‘Dhiso jy, A Arloedh, yma ewnder, mes dhyn ni yma meth a'n fas, dell eus y'n jydh hedhyw, dhe dus Yuda, dhe annedhysi Yerusalem, ha dhe Ysrael oll, an re ogas ha'n re bell, yn keniver pow may mons fesys genes, drefenn an trayson re wrussons er dha bynn.

Levitikus 10:6

Hag yn-medh Moyses dhe Aron ha dhe Eleazar ha dhe Ithamar y vebyon, ‘Na esewgh gols agas pennow dhe gregi lows, na skwardya agas dillas, ma na wryllowgh hwi merwel, ha na dheffo sorr war oll an kuntelles, mes gesewgh agas breder, chi dien Ysrael, dhe oela drefenn an loskvann re wrug an Arloedh.

Yona 1:7

Hag yn-medhons an eyl dh'y gila, ‘Dewgh, tewlyn ni prenn, may fo godhvedhys dhyn piw yw dhe vlamya, an drog ma dhe vos devedhys warnan.’ Ytho i a dewlis prenn, ha'n prenn a goedhas war Yona.

Yoshua 22:16

‘Yndellma y lever oll kuntelles an Arloedh, “Pyth yw an dislelder ma re wrussowgh erbynn Duw Ysrael ow treylya hedhyw dhiworth siwya an Arloedh, ow trehevel alter ragowgh agas honan hedhyw yn rebellyans erbynn an Arloedh?

Yoshua 22:18

Ha hedhyw hwi re dreylyas a siwya an Arloedh. Mar rebellyowgh erbynn an Arloedh hedhyw, serrys vydh a-vorow gans oll kuntelles Ysrael.

Yoshua 22:20

A ny veu Akan mab Zeragh dislel a-dro dhe'n taklow sakrys dhe dhistruans, hag yth esa sorr war oll kuntelles Ysrael? Ny veu ev an unn gour eth dhe goll rag y gammweyth.” ’