Yoshua 6:7 - An Bibel Kernewek 20234 (Kernewek Kemmyn)

⁷ Ena ev a leveris dhe'n lu, ‘Kewgh yn-rag, ha kerdhewgh a-dro dhe'n sita; gesewgh an dus ervys dhe dremena a-rag argh an Arloedh.’

Yoshua 6:7 Iomraidhean Croise

Yoshua 1:14

Agas benynes, agas re vyghan, ha'gas gwarthek a yll gortos y'n tir a ros Moyses dhywgh dres an Yordan. Mes hwi a dreus arayys rag kas kyns agas breder, oll an gasoryon, ha hwi a's gweres,

Yoshua 4:13

A-dro dhe dhewgens mil ervys rag an gas a dreusis a-rag an Arloedh dhe blenys Yeriko rag bresel.

Yoshua 6:3

Hwi a geskerdh a-dro dhe'n sita, oll an vreselyoryon ow mos a-dro dhe'n sita unnweyth. Yndella ty a wra hwegh dydh,

Yoshua 6:6

Ytho Yoshua mab Nun a elwis an oferysi ha leverel dhedha, ‘Degewgh argh an kevambos, ha gas seyth oferyas dhe dhoen seyth hirgorn a gern hordhes a-rag argh an Arloedh.’

Yoshua 6:8

Wosa Yoshua dhe ri an gorhemmynn ma dhe'n lu, an seyth oferyas ow toen an seyth hirgorn a gern hordhes a-rag an Arloedh eth yn-rag, ow hwytha an hirgern; argh kevambos an Arloedh a's siwyas.