Yoshua 6:6 - An Bibel Kernewek 20234 (Kernewek Kemmyn)

⁶ Ytho Yoshua mab Nun a elwis an oferysi ha leverel dhedha, ‘Degewgh argh an kevambos, ha gas seyth oferyas dhe dhoen seyth hirgorn a gern hordhes a-rag argh an Arloedh.’

Yoshua 6:6 Iomraidhean Croise

Eksodus 25:14

Ha ty a worr an gwelynni a-ji dhe'n lagasennow war denwennow an argh, dredha dhe dhoen an argh.

Oberow 9:1

Mes Sowl, hwath owth anella godrosow ha denladh erbynn dyskyblon an Arloedh, eth dhe'n arghoferyas,

Yoshua 24:11

Ena hwi a dreusis an Yordan ha dos dhe Yeriko, ha tus Yeriko a omladhas er agas pynn, hag ynwedh an Amorysi, an Perizzysi, an Kananysi, an Hittysi, an Girgashysi, an Hivysi ha'n Yebusysi; ha my a's ros yn agas leuv.

Yoshua 3:3

hag i a worhemmynnis dhe'n bobel ow leverel, ‘Pan welowgh argh kevambos an Arloedh agas Duw, ha'n oferysi, an Levysi, orth hy doen, hwi ynwedh ewgh yn-rag a'gas tyller ha'y holya.

Yoshua 3:6

Ha Yoshua a gewsis dhe'n oferysi, ow leverel, ‘Drehevewgh argh an kevambos, ha treusewgh a-dherag an bobel.’ Ytho i a dhrehevis argh an kevambos ha mos a-dherag an bobel.

Yoshua 6:13

An seyth oferyas esa ow toen seyth hirgorn a gern hordhes a-rag argh an Arloedh eth yn-rag, prest ow hwytha an hirgern. An dus ervys eth a-ragdha, ha'n withysi-dhelergh a gerdhas a-dhelergh dhe argh an Arloedh, ha'n oferysi ow prest ow hwytha an hirgern.

Yoshua 6:5

Pan hwythons gans kern an hordhes, kettell glewowgh son an hirgorn, garmes oll lu gans garm vras; ena fos an sita a goedh yn hy le, ha gas oll lu dhe vos yn-bann, pub gour ow kerdhes a-ji yn tidro.’

Yoshua 6:7

Ena ev a leveris dhe'n lu, ‘Kewgh yn-rag, ha kerdhewgh a-dro dhe'n sita; gesewgh an dus ervys dhe dremena a-rag argh an Arloedh.’

Yoshua 6:8

Wosa Yoshua dhe ri an gorhemmynn ma dhe'n lu, an seyth oferyas ow toen an seyth hirgorn a gern hordhes a-rag an Arloedh eth yn-rag, ow hwytha an hirgern; argh kevambos an Arloedh a's siwyas.

1 Samuel 4:3

Pan dheuth an bobel y'n kamp, henavogyon Ysrael a leveris, ‘Prag y'gan fethas an Arloedh hedhyw a-dherag an Filistysi? Dren ni argh kevambos an Arloedh omma a-dhiworth Shilo rag may hallo dos yn agan mysk ha'gan sawya mes a leuv agan eskerens.’