Yoshua 6:4 - An Bibel Kernewek 20234 (Kernewek Kemmyn)

⁴ gans seyth oferyas ow toen seyth hirgorn a gern hordhes a-dherag an argh. Ha'n seythves dydh hwi a geskerdh a-dro dhe'n sita seythgweyth, ha'n oferysi ow hwytha an hirgern.

Yoshua 6:4 Iomraidhean Croise

Jenesis 2:3

Ha Duw a vennigas an seythves dydh ha'y sakra drefenn ev dhe bowes a'y ober oll re wrussa Duw formya ha gul.

1 Myghternedh 18:43

Ev a leveris dh'y was, ‘Ke yn-bann lemmyn, mir war-tu ha'n mor.’ Ev a yskynnas ha mires, ha leverel, ‘Nyns eus travyth.’ Ena ev a leveris, ‘Ke arta seyth gweyth.’

2 Myghternedh 5:10

Elisha a dhannvonas kannas dhodho, ow leverel, ‘Ke hag omwolghi y'n Yordan seythgweyth, ha dha gig a vydh asverys ha ty a vydh glan.’

2 Myghternedh 5:14

Ena ev a dhiyskynnas hag omdroghya seythgweyth y'n Yordan, herwydh lavar gour Duw; ha'y gig a veu asverys kepar ha kig fleghik, ha glan o ev.

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

2 Kroniklys 20:19

Ena re a'n Levysi dhiworth an Kohathysi ha'n Koraghysi, a sevis yn-bann rag gormel an Arloedh, ha Duw Ysrael, gans lev fest ughel.

2 Kroniklys 20:21

Wosa omgusulya gans an bobel, ev a apoyntyas kanoryon dhe gana dhe'n Arloedh ha'y wormel rag splannder y sansoleth, hag i ow mos yn-mes a-rag an lu, ow kana, ‘Rewgh grasow dhe'n Arloedh, rag y dregeredh a dhur bys vykken.’

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Ysay 27:13

Hag y'n jydh na, an hirgorn bras a vydh hwythys, ha'n re a veu kellys yn pow Assyria, ha'n re a veu divres yn pow Ejyp a dheu ha gordhya an Arloedh y'n menydh sans, yn Yerusalem.

Levitikus 14:16

ha'n oferyas a drogh y vys dyghow y'n oyl usi yn y balv gledh ha skoellya rann a'n oyl gans y vys seythgweyth dherag an Arloedh.

Levitikus 4:6

Ha'n oferyas a drogh y vys y'n goes ha skoellya rann a'n goes seythgweyth dherag an Arloedh, a-rag vayl an sentri.

Zekaria 4:2

Ev a leveris dhymm, ‘Pandr'a welydh?’ My a worthybis, ‘My a viras, hag otta kantoler gwrys oll yn tien a owr, ha bolla war y benn ha seyth lugarn warnodho, ha seyth pibenn dhe'n lugern usi war y benn.

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Niverow 23:1

Ha Balaam a leveris dhe Balak, ‘Drehav dhymm omma seyth alter, ha provia ragov omma seyth lodhen ha seyth hordh.’

Yoshua 6:13

An seyth oferyas esa ow toen seyth hirgorn a gern hordhes a-rag argh an Arloedh eth yn-rag, prest ow hwytha an hirgern. An dus ervys eth a-ragdha, ha'n withysi-dhelergh a gerdhas a-dhelergh dhe argh an Arloedh, ha'n oferysi ow prest ow hwytha an hirgern.

Yoshua 6:3

Hwi a geskerdh a-dro dhe'n sita, oll an vreselyoryon ow mos a-dro dhe'n sita unnweyth. Yndella ty a wra hwegh dydh,

Yoshua 6:5

Pan hwythons gans kern an hordhes, kettell glewowgh son an hirgorn, garmes oll lu gans garm vras; ena fos an sita a goedh yn hy le, ha gas oll lu dhe vos yn-bann, pub gour ow kerdhes a-ji yn tidro.’

Diskwedhyans 1:20

Mysteri an seyth sterenn a welsys a dhyghow dhymm, ha'n seyth kantoler owrek: an seyth sterenn yw eledh an seyth eglos: ha'n seyth kantoler yw an seyth eglos.

Diskwedhyans 1:4

Yowann dhe'n seyth eglos yn Asia: Gras dhywgh hwi ha kres dhiworth neb yw, hag o, hag a dheu ha dhiworth an seyth spyrys usi a-dherag y dron,

Diskwedhyans 10:3

Hag ev a armas ughel y lev kepar dell wra lew usa, ha pan armas, an seyth taran a gewsis gans aga lev.

Diskwedhyans 15:1

Ha my a welas tokyn arall yn nev, bras ha marthys, seyth el gans an seyth pla diwettha, rag bos sorr Duw kowlwrys ynna i.

Diskwedhyans 15:7

Hag onan a'n peswar kreatur bew a ros dhe'n seyth el seyth fiol owrek lenwys a'n sorr a Dhuw, neb a vew trank heb worfenn.

Diskwedhyans 16:1

Ha my a glewas lev ughel yn-mes a'n tempel ow leverel dhe'n seyth el, ‘Kewgh dhe skoellya an fiolyow a'n sorr a Dhuw war an dor.’

Diskwedhyans 5:1

Ha my a welas y'n dhorn dhyghow a neb o esedhys war an tron, rol-skrifa, skrifys warnedhi a-ji ha war an keyn, selys gans seyth sel.

Diskwedhyans 5:6

Ha my a welas yn mysk an tron ha'n peswar kreatur bew, hag yn mysk an henavogyon, y sevi Oen kepar ha pan ve ledhys, gans seyth korn ha seyth lagas, yw seyth Spyrys Duw dannvenys yn-rag yn oll an norvys.

Diskwedhyans 8:2

Ha my a welas an seyth el usi ow sevel a-dherag Duw, ha seyth hirgorn a veu res dhedha.

Diskwedhyans 8:6

Ha'n seyth el ha gansa an seyth hirgorn a ombareusis dh'aga hwytha.