Yoshua 6:21 - An Bibel Kernewek 20234 (Kernewek Kemmyn)

²¹ Ena i a sakras dhe dhistruans gans min an kledha oll esa y'n sita, gwer ha benynes, gwer yowynk ha hen, oghen, deves hag asenes.

Yoshua 6:21 Iomraidhean Croise

1 Myghternedh 20:42

Ena ev a leveris dhodho, ‘Yndellma y lever an Arloedh, “Drefenn ty dhe asa dhe dhiank an gour neb a apoyntis dhe dhistruans, ytho dha vewnans a vydh rag y vewnans, ha dha bobel rag y bobel.” ’

Yeremia 48:18

Diyskynn a'n golewder, hag esedh war an dor kras, ty annedhyades, myrgh Dibon! Rag distruer Moab re dheuth yn-bann er dha bynn; ev re dhistruis dha dinasow.

Dewteronomi 13:16

Ty a dhre oll hy freydh war-barth bys yn plen an dre, ha leski an dre hag oll hy freydh gans tan, offrynn kowlleskys dhe'n Arloedh dha Dhuw, hag y fydh krug bynitha; ny vydh drehevys arta.

Dewteronomi 2:34

Ha ni a gemmeras oll y drevow y'n termyn na, ha sakra pub tre dhe dhistruyans, gwer, benynes, ha fleghes; ny essyn denvyth dhe skapya.

Dewteronomi 7:16

Ha ty a dhevor oll an poblow a wra an Arloedh dha Dhuw aga ri dhis. Ny wra dha lagas kemmeres pita anedha, ha ny wrewgh servya aga duwow, rakhenna dhe vos antell dhis.

Yoshua 10:28

Yoshua a gemmeras Makkeda an jydh na, ha gweskel an sita ha'y myghtern gans min an kledha; ev a's sakras dhe dhistruyans, ha peub esa ynni; ny asas denvyth dhe vos gesys. Hag ev a wrug dhe vyghtern Makkeda dell wrussa dhe vyghtern Yeriko.

Yoshua 10:39

Ev a's kemmeras, hi ha'y myghtern hag oll hy threvow; i a's gweskis a vin an kledha, ha sakra dhe dhistruyans peub esa ynni; ny asas dhe vos gesys denvyth; dell wrussa dhe Hebron, yndella ev a wrug dhe Debir ha'y myghtern, ha kepar dell wrussa dhe Libna ha'y myghtern.

Yoshua 11:11

I a weskis oll an dus esa ynni gans min an kledha, orth aga sakra dhe dhistruyans: nyns esa gesys kreatur vyth dhe anella: hag ev a loskas Hasor gans tan.

Yoshua 11:14

An Ysraelysi a byllas oll preydh an sitys ma ha gwitha ragdha aga honan an bestes ha'n preydh arall; mes i a weskis oll an dus gans min an kledha, bys pan y's distrusens oll. Ny assons dhe vewa denvyth a anellas.

Yoshua 8:2

Ty a wra dhe Ay ha'y vyghtern dell wrussys dhe Yeriko ha'y vyghtern; saw ty a yll gwitha ragowgh agas honan an preydh ha'n bestes. Sett kontrewaytyans erbynn an sita, a-dryv dhedhi.’

Yoshua 8:22

Y feu an re a dhothya yn-mes a'n sita er aga fynn kes a-ji gans an Ysraelysi war dhew denewen; hag i a's ladhas bys pan nag esa gesys dianker vytholl; nagonan ny skapyas.

Yoshua 9:3

Mes pan glewas annedhysi Gibeon an pyth a wrug Yoshua dhe Yeriko ha dhe Ay,

Diskwedhyans 18:21

Hag unn el galloesek a gemmeras men kepar ha men-melin bras, ha'y dewlel y'n mor, ow leverel, ‘Yndella, gans garowder, Babylon an sita vras a vydh tewlys war-nans, ha ny vydh kevys namoy.

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’

1 Samuel 15:8

Hag ev a gemmeras Agag myghtern an Amalekysi yn few, ha distrui glan oll an bobel dre vin an kledha.