Yoshua 6:19 - An Bibel Kernewek 20234 (Kernewek Kemmyn)

¹⁹ Oll an arghans ha'n owr, ha lestri a vrons ha horn, yw sans dhe'n Arloedh; i a dheu yn tresorva an Arloedh.’

Yoshua 6:19 Iomraidhean Croise

2 Samuel 8:11

ha'n re ma ynwedh myghtern Davydh a sakras dhe'n Arloedh, war-barth gans an arghans hag owr a sakras dhiworth oll an kenedhlow re fethsa,

1 Myghternedh 14:26

ev a gemmeras dhe-ves tresoryow chi an Arloedh ha chi an myghtern; ev a gemmeras pup-tra. Ev a gemmeras dhe-ves ynwedh oll an skoesow a owr re wrussa Solomon.

1 Myghternedh 7:51

Yndellma oll an ober a wrug myghtern Solomon rag chi an Arloedh o gorfennys. Solomon a dhros an taklow re bia sakrys gans y das Davydh, an arghans, an owr, ha'n lestri, ha'ga gwitha yn tresorvaow chi an Arloedh.

2 Myghternedh 24:13

Ev a gemmeras dhe-ves oll tresoryow chi an Arloedh, ha treghi dhe demmyn oll an lestri a owr re wrussa Solomon myghtern Ysrael yn tempel an Arloedh, dell dharganas an Arloedh.

1 Kroniklys 18:11

An re ma ynwedh myghtern Davydh a sakras dhe'n Arloedh, war-barth gans an arghans ha'n owr re dhegsa dhiworth oll an kenedhlow ma: dhiworth Edom, Moab, an Ammonysi, an Filistysi hag Amalek.

1 Kroniklys 26:20

A'n Levysi, Ahiya a'n jevo charj a dresorvaow chi Duw ha tresorvaow an rohow sakrys.

1 Kroniklys 26:26

Shelomoth ha'y vreder o charjys gans oll tresorvaow an rohow sakrys re bia sakrys gans Davydh an myghtern ha gans pennow teyluyowow o kaptenyon milyow ha kansow, ha gans kaslewydhyon erell an lu.

1 Kroniklys 26:27

Dhiworth an preydh re bia gwaynys yn batelyow i a sakras rohow rag mentons chi an Arloedh.

1 Kroniklys 26:28

Ha pup-tra sakrys gans Samuel an gwelesydh, gans Sowl mab Kish, gans Abner mab Ner, ha gans Yoab mab Seruya – yth esa pub ro sakrys yn gwith Shelomoth ha'y vreder.

1 Kroniklys 28:12

ha'n towl a bup-tra esa yn y vrys rag klosyow chi an Arloedh ha rag oll an chambouryow a-derdro, rag tresorvaow chi Duw, ha rag tresorvaow an rohow sakrys;

2 Kroniklys 15:18

Ev a dhros yn chi Duw rohow sakrys y das ha'y rohow sakrys y honan – arghans, owr ha daffar.

2 Kroniklys 31:12

Yn lel i a dhug ynno an kevrohow, an degedhow ha'n taklow re bia sakrys. An pennsoedhek neb a'n jevo charj warnedha o Konania an Levyas, gans y vroder Shimei avel an nessa dhodho;

Nehemia 10:38

Hag oferyas, diyskynnys a Aron, a vydh gans an Levysi pan dhegemmerons an degedhow; ha'n Levysi a dhre yn-bann an dega a'n degedhow dhe ji agan Duw, dhe jambouryow an arghow.

Yeremia 38:11

Ytho Ebed-melek a gemmeras an wer ganso ha mos yn chi an myghtern, dhe'n tyller yn-dann an dresorva, ha kemmeres alena kloutys ha dillasow usys, ha'ga iselhe gans lovonow y'n dhorvagh dhe Yeremia.

Levitikus 19:24

Mes y'n peswora blydhen oll an frut anodho a vydh sans dhe wormel an Arloedh.

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.

Niverow 31:11

ha kemmeres oll an preydh ha'n pyth a veu pyllys, hag a dhen hag a vest.

Niverow 31:12

Ena i a dhros an gethyon ha'n pyth a veu pyllys ha'n preydh dhe Moyses, ha dhe Eleazar an oferyas, ha dhe guntelles mebyon Ysrael, dhe'n kamp yn plenys Moab ryb Yordan a-dal Yeriko.

Niverow 31:22

Mes an owr, an arghans, an brons, an horn, an sten, ha'n plomm,

Matthew 27:6

An bennoferysi a gemmeras an mona ha leverel, ‘Nyns yw lafyl y worra y'n arghow, rag y vos pris goes.’

Mark 12:41

Hag ev a esedhas a-dal an arghow, hag a weli fatell esa an routh ow tewlel mona y'n argh. Ha lies den rych a dewli meur.

Yoshua 7:11

Ysrael re beghas; i re dreuspassyas erbynn ow hevambos a worhemmynnis dhedha. I re gemmeras re a'n taklow sakrys dhe dhistruyans; i re's ladras, ha'ga hudha, orth aga gorra gans aga lestri aga honan.