Yoshua 6:18 - An Bibel Kernewek 20234 (Kernewek Kemmyn)

¹⁸ Mes hwi, omwithewgh dhiworth an taklow sakrys dhe dhistruyans, ma na wrewgh aga hwansa ha kemmeres neppyth sakrys, ha gul kamp Ysrael y honan sakrys, ha dri terroesa warnodho.

Yoshua 6:18 Iomraidhean Croise

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

Ekklesiastes 9:18

Gwell yw furneth ages arvow kas; mes unn peghador a yll distrui meur a dhader.

Yona 1:12

Yn-medh ev dhedha, ‘Kemmer vy yn-bann ha'm tewlel y'n mor, ena an mor a vydh spavenhes ragowgh, rag my a woer an annawel vras ma dhe goedha warnowgh drefenn an pyth re wrugavy.’

Romanyon 12:9

Gwres kerensa bos gwiryon; kesewgh an drog, glenewgh orth an da;

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Efesianys 5:11

Ha na gemmerewgh rann gans gwriansow difrut an tewlder; gwell yw aga heredhi.

Dewteronomi 13:17

Ny len orth dha leuv travyth dhiworth an difenn, rag may treyllyo an Arloedh dhiworth y sorr fers, ha may rollo dhis piteth, ha kemmeres truedh ahanas, ha'th kressya kepar dell dos dhe'th tasow,

Dewteronomi 23:10

Mars eus yntredhowgh gour nag yw glan drefenn hwarvedhyans nosweyth, ena yth a dhe neb le a-ves a'n gamp; ny dheu a-bervedh y'n kamp;

Dewteronomi 7:26

Na dhro pyth kasadow dhe'th chi, ma na vi sakrys rag distruyans avello. Ty a'n kas gans kas kowal, ha'y aborrya, drefenn y vos sakrys rag distruyans.

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.

Yoshua 7:1

Mes mebyon Ysrael a veu dislen yn mater an taklow sakrys; Akan mab Karmi mab Zabdi mab Zeragh, a loeth Yuda, a gemmeras re a'n taklow sakrys; ha sorr an Arloedh a loskas erbynn an Ysraelysi.

Yoshua 7:13

Yn-sol, sansha an bobel, ha lavar, “Omsanshewgh rag a-vorow; rag yndellma y lever an Arloedh, Duw Ysrael, ‘Yma taklow sakrys y'n kres ahanas, A Ysrael; ny yllydh sevel a-dherag dha eskerens bys may kemmerowgh dhe-ves an taklow sakrys a'gas mysk.’

Yoshua 7:15

An den yw kemmerys gans an tra sakrys a vydh leskys gans tan, ev hag oll a'n jeves, drefenn ev dhe dreuspassya erbynn kevambos an Arloedh ha drefenn ev dhe wul outray yn Ysrael.” ’

Yoshua 7:25

Yoshua a leveris, ‘Prag y tresys anfeusi warnan? Yma an Arloedh ow tri anfeusi warnas y'n jydh ma.’ Ena oll an Ysraelysi a'n labydhas; i a's loskas gans tan, ha'ga labydha gans meyn,

1 Yowann 5:21

A fleghigyow, omwithewgh rag idolys.

1 Samuel 15:9

Mes Sowl ha'n bobel a sparyas Agag, ha'n gwella a'n deves hag a'n oghen hag a'n enyvales peskys, ha'n eyn, ha pup-tra a veu da, ha ny vynnens aga distrui glan; mes pup-tra dispresys ha koeg i a dhistruis glan.