Yoshua 6:17 - An Bibel Kernewek 20234 (Kernewek Kemmyn)

¹⁷ An sita hag oll eus ynni a vydh sakrys dhe'n Arloedh rag distruyans. Mes Rahab an hora hag oll eus gensi yn hy chi a vew, rag hi a gudhas an kannasow a dhannvensyn.

Yoshua 6:17 Iomraidhean Croise

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Ezra 10:8

Piwpynag na vynna dos a-ji dhe dri dydh, herwydh ervirans an bennsevigyon ha'n henavogyon, bedhes kowldhistruys oll y bythow, hag ev y honan diberthys a-dhiworth kuntelles an dhivresow.

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Ezekiel 39:17

Mes ty, A vab den, yndellma y lever an Arloedh Duw: Kows dhe ydhyn a bub eghenn, ha dhe oll an bestes gwyls: Omguntellewgh ha dos; dewgh war-barth a bub tu dhe'm sakrifis a wrav ragowgh, sakrifis bras, war venydhyow Ysrael, ha hwi a dheber kig hag eva goes.

Levitikus 27:21

mes an park, pan yw delivrys y'n yubile, a vydh sans dhe'n Arloedh, avel park sakrys. Perghennys vydh gans an oferyas.

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

1 Korinthianys 16:22

Neb na gar an Arloedh, bedhes milliges. Re dheffo agan Arloedh!

1 Korinthianys 2:7

Mes ni a gews furneth Duw, kevrinek ha kudh, a ragdhestnas Duw kyns an oesow rag agan glori.

Galatianys 3:10

Rag myns a fydh yn oberow an lagha yn-dann volleth; rag skrifys yw, ‘Milliges yw pubonan na bes yn oll an gorhemmynnow skrifys yn lyver an lagha, orth aga gul.’

Galatianys 3:12

Nyns yw an lagha selys war fydh, mes, ‘Neb a wrello an oberow a vew ynna.’

Dewteronomi 20:17

mes ty a wra aga sakra dhe dhistruyans: an Hittysi ha'n Amorysi, an Kananysi, ha'n Perizzysi, an Hivysi, ha'n Yebusysi kepar dell worhemmynnis dhis an Arloedh dha Dhuw,

Ebrowyon 11:31

Dre fydh ny veu ledhys Rahab an hora war-barth gans an re dhiwostydh, rag hi dhe dhegemmeres an aspioryon yn kres.

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.

Jamys 2:25

Hag y'n keth vaner, a ny veu Rahab an hora justifiys dre wriansow ha hi ow wolkomma an kannasow ha'ga dannvon alena dre fordh arall?

Yoshua 2:1

Yoshua mab Nun a ragdhannvonas dew wour dhiworth Shittim dhe aspia yn-dann gel, ow leverel, ‘Kewgh dhe vires orth an tir, hag yn arbennik Yeriko.’ Ytho i eth, ha dos dhe ji hora, Rahab hy hanow, hag i a spenas an nos ena.

Yoshua 2:22

Wosa i dhe dhiberth, i a dheuth y'n vro venydhyek ha gortos ena tri dydh, bys pan dhehwelsa an helghoryon. An helghoryon a's hwilsa yn oll an fordh mes ny's kavsons.

Yoshua 7:1

Mes mebyon Ysrael a veu dislen yn mater an taklow sakrys; Akan mab Karmi mab Zabdi mab Zeragh, a loeth Yuda, a gemmeras re a'n taklow sakrys; ha sorr an Arloedh a loskas erbynn an Ysraelysi.

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’

1 Samuel 15:6

Yn-medh Sowl dhe'n Kenysi, ‘Kewgh! Gesewgh! Omdennewgh yn-mes a'n Amalekysi, po my a'gas distru gansa; rag hwi a dhiskwedhas tregeredh dhe oll mebyon Ysrael, pan dheuthons yn-bann mes a Ejyp.’ Yndella an Kenysi a omdennas dhiworth an Amalekysi.