Yoshua 5:5 - An Bibel Kernewek 20234 (Kernewek Kemmyn)

⁵ Trodreghys via oll an bobel eth yn-mes, mes ny veu trodreghys oll an bobel genys y'n gwylvos war an fordh hag i ow mos yn-mes a Ejyp.

Yoshua 5:5 Iomraidhean Croise

Matthew 12:7

Ha mar kodhvewgh styr an lavar ma, “Ny vynnav sakrifis, mes tregeredh, ny wrussewgh ri breus erbynn an re dhivlam.”

Romanyon 2:26

Ytho, mar syns den yw heb trodreghyans ordenansow an lagha, a ny vydh y antrodreghyans reknys avel trodreghyans?

1 Korinthianys 7:19

Trodreghyans nyns yw travyth, hag antrodreghyans nyns yw travyth; mes gwitha arghadowyow an Arloedh yw dres pup-tra.

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Galatianys 6:15

Rag ny amont mann naneyl trodreghyans nag antrodreghyans, saw unnsel kreasyon nowydh.

Yoshua 5:4

Ha hemm yw prag y hwrug Yoshua aga throdreghi: oll gwer an bobel a dheuth yn-mes a Ejyp, oll an gasoryon, a verwis y'n gwylvos war an fordh wosa i dhe dhos yn-mes a Ejyp.

Yoshua 5:6

Rag an Ysraelysi a gerdhas dewgens blydhen der an gwylvos, bys pan verwis oll henedh an vreselyoryon, an re gyllys yn-mes a Ejyp, na woslowsons orth lev an Arloedh. An Arloedh a dos dhedha na assa i dhe weles an tir re dosa dh'aga thasow dhe ri dhyn, tir a dhinwa leth ha mel.