Yoshua 5:1 - An Bibel Kernewek 20234 (Kernewek Kemmyn)

¹ Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.

Yoshua 5:1 Iomraidhean Croise

Jenesis 12:6

Hag Abram a dremenas der an tir bys y'n tyller Shekem, bys yn derwenn More. Hag yth esa an Kananysi y'n pow y'n termyn na.

Jenesis 48:22

Ha my a re dhis unn rann moy es dell rov dhe'th vreder, hag a wrug hy hemmeres mes a leuv an Amorysi gans ow kledha ha gans ow gwarak.’

2 Samuel 21:2

Ytho an myghtern a elwis an Gibeonysi ha kewsel orta. (Lemmyn nyns esa an Gibeonysi mebyon Ysrael, mes dhiworth remenant an Amorysi; mebyon Ysrael re dosa dhedha dh'aga sparya, mes Sowl a hwilas aga distrui, drefenn y vos diwysyk rag mebyon Ysrael ha Yuda.)

1 Myghternedh 10:5

an boes war y voes, rester esedhyans y soedhogyon, an servysi ha'ga gwisk, y hanaforyon, ha'y offrynnow leskys a offrynna yn chi an Arloedh, nyns esa spyrys ynni namoy.

Ezra 9:1

Wosa an taklow ma dhe vos kowlwrys, an bennsevigyon a dheuth dhymm, ow leverel, ‘Ny wrug pobel Ysrael, ha'n oferysi ha'n Levysi, dibarth yntra i ha kenedhlow an broyow, ow kul herwydh aga thaklow kasadow, kepar ha'n Kananysi, an Hittysi, an Perizzysi, an Yebusysi, an Ammonysi, an Moabysi, an Ejyptianys, ha'n Amorysi.

Salmow 135:11

Sihon myghtern an Amorysi, hag Og myghtern Bashan, hag oll gwlaskordhow Kanan;

Eksodus 23:28

Ha my a wra dannvon hwyrnoresow a-ragos, a wra chasya dhe-ves an Hivysi, an Kananysi ha'n Hittysi a-dheragos.

Ysay 41:5

An arvoryow re welas hag own a's teves, pennow an bys a gren; i re nesas ha dos.

Ezekiel 16:3

ha lavar, Yndellma y lever an Arloedh Duw dhe Yerusalem: Dha dhevedhyans ha'th tineythyans a veu a bow an Kananysi, dha das a veu Amoryas, ha'th vamm a veu Hittyades.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Daniel 5:6

Ena liw an myghtern a dreylyas, y brederow a'n troblas, mellow y dhiwglun a omlowsyas, ha'y dhewlin a gnoukyas an eyl orth y gila.

Amos 2:9

Byttegyns my a dhistruis an Amoryas a-dheragdha may feu y ughelder kepar hag ughelder an kederwydh, hag ev maga krev avel derow; distrui a wrug vy y frut a-vann ha'y wreydh a-woeles.

Niverow 13:29

Yma an Amalekysi trigys yn tir an Negeb; hag yma an Hittysi, an Yebusysi, ha'n Amorysi trigys y'n vro venydhyek; hag yma an Kananysi trigys ryb an mor, ha war lann an Yordan.’

Yoshua 17:12

Ny allas mebyon Manasse fesya trigoryon an sitys na; mes an Kananysi a withas dalghenn y'n tir na.

Yoshua 17:18

Mes an vro venydhyek a vydh dhywgh; koeswik yw, ha hwi a's klerha, ha'y oryon pella a vydh dhywgh; rag hwi a fes an Kananysi yn-mes, kyn fo dhedha charettow a horn, ha kynth yns krev.’

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

Yoshua 3:16

an dowrow esa ow tos yn-nans a-wartha a sevis stag; i a omdhrehevis yn graghell mar bell avel Adam, an sita usi ryb Sarethan; ha'n dowr esa ow mos troha Mor an Araba, Mor an Hoelan, a veu stoppys yn tien. Ytho an bobel a dreusis a-dal Yeriko.

Yoshua 3:17

An oferysi esa ow toen argh kevambos an Arloedh a sevis fast war syghtir yn kres an Yordan, hag oll Ysrael a dreusis war syghtir, bys pan worfennas oll an genedhel treusi an Yordan.

Diskwedhyans 18:10

I a sev a-bell der own a'y fayn, ow leverel, ‘Tru, tru, an sita vras, Babylon, an sita grev! rag yn unn our re dheuth dha vreus.’

Breusysi 1:1

Wosa mernans Yoshua, mebyon Ysrael a wovynnas orth an Arloedh ow leverel, ‘Piw a yn-bann ragon erbynn an Kananysi yn kynsa, dhe omladh er aga fynn?’

Breusysi 11:23

Yndella an Arloedh, Duw Ysrael, a fethas an Amorysi a-rag y bobel Ysrael. A dewlydh jy may kemmerri aga le?

Breusysi 3:3

Pymp gwahalyeth an Filistysi, hag oll an Kananysi ha'n Sidonysi, ha'n Hivysi esa trigys war venydh Lebanon, dhiworth menydh Baal-hermon, bys Lebo-hamath.

Breusysi 4:2

Ytho an Arloedh a's gwerthas yn leuv Yabin myghtern Kanan esa ow reynya yn Hasor; kaslewydh y lu o Sisera, esa trigys yn Harosheth-ha-goyim.

1 Samuel 25:37

Mes ternos myttin, pan o an gwin gyllys mes a Nabal, y wreg a dherivas an traow ma orto, ha'y golonn a verwis a-ji dhodho; ev a dheuth ha bos avel men.