Yoshua 4:4 - An Bibel Kernewek 20234 (Kernewek Kemmyn)

⁴ Ytho Yoshua a elwis an dewdhek gour re apoyntsa dhiworth an Ysraelysi, gour dhiworth pub loeth.

Yoshua 4:4 Iomraidhean Croise

Yoshua 3:12

Lemmyn kemmerewgh dewdhek gour dhiworth loethow Ysrael, unn gour dhiworth pub loeth.

Yoshua 4:2

‘Kemmerewgh dhiworth an bobel dewdhek gour, unn gour dhiworth pub loeth,

Yoshua 4:3

ha gorhemmynnewgh dhedha, “Kemmerewgh dewdhek men alemma dhiworth kres an Yordan, yn-mes a'n tyller may sevis fast treys an oferysi, ha'ga doen genowgh, ha'ga settya y'n tyller may fydhowgh ow spena an nos.” ’

Yoshua 4:5

Yn-medh Yoshua dhedha, ‘Tremenewgh a-rag argh an Arloedh agas Duw dhe gres an Yordan, ha kemmerewgh pub gour ahanowgh unn ven war y skoedh, war-lergh niver loethow an Ysraelysi,