Yoshua 3:7 - An Bibel Kernewek 20234 (Kernewek Kemmyn)

⁷ An Arloedh a leveris dhe Yoshua, ‘An jydh ma my a dhalleth dha veurhe yn dewlagas oll Ysrael, hag i a woer my dhe vos genes, par dell esen vy gans Moyses.

Yoshua 3:7 Iomraidhean Croise

1 Kroniklys 29:25

An Arloedh a ughelhas Solomon yn feur yn golok oll Ysrael ha ri dhodho meuredh ryel brassa es dell re bia war bub myghtern kyns yn Ysrael.

2 Kroniklys 1:1

Solomon mab Davydh a grevhas y dhalghenn yn y wlaskor; y feu an Arloedh y Dhuw ganso hag ev a'n gwrug meur dres eghenn.

Job 7:17

Pyth yw mab-den, ma'n moghhydh, ha may settydh dha golonn warnodho,

Salmow 18:35

Ha ty re ros dhymm skoes dha selwyans, dha leuv dhyghow a'm menten, ha'th weres re'm meurhas.

Yowann 17:1

Wosa kewsel an taklow ma, Yesu a dhrehevis y dhewlagas dhe nev ha leverel, ‘Tas, re dheuth an eur; ro glori dhe'th Vab, rag may hwrello dha Vab ri glori dhiso jy,

Filippianys 1:20

war-lergh ow gwaytyans ha'm govenek na vydhav shamys yn travyth, mes y fydh Krist meurhes gans bolder leun avel pup-prys, hag y'n eur ma ynwedh y'm korf, po dre vewnans po dre vernans.

Yoshua 1:17

Par dell glewsyn pup-tra gans Moyses, yndella ni a glew genes. Lemen re bo an Arloedh dha Dhuw genes, par dell o gans Moyses!

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Yoshua 3:6

Ha Yoshua a gewsis dhe'n oferysi, ow leverel, ‘Drehevewgh argh an kevambos, ha treusewgh a-dherag an bobel.’ Ytho i a dhrehevis argh an kevambos ha mos a-dherag an bobel.

Yoshua 3:8

Ha ty a worhemmynn dhe'n oferysi usi ow toen argh an kevambos, ow leverel, “Pan dhewgh dhe amal dowrow an Yordan, ke ha sevewgh y'n Yordan.” ’

Yoshua 4:14

Y'n jydh na an Arloedh a veurhas Yoshua yn golok oll Ysrael; hag i a berthi own anodho dell berthens own a Moyses, oll dydhyow y vewnans.