Yoshua 3:16 - An Bibel Kernewek 20234 (Kernewek Kemmyn)

¹⁶ an dowrow esa ow tos yn-nans a-wartha a sevis stag; i a omdhrehevis yn graghell mar bell avel Adam, an sita usi ryb Sarethan; ha'n dowr esa ow mos troha Mor an Araba, Mor an Hoelan, a veu stoppys yn tien. Ytho an bobel a dreusis a-dal Yeriko.

Yoshua 3:16 Iomraidhean Croise

Jenesis 14:3

Oll an re ma a veu kuntellys war-barth yn nans Siddim (henn yw Mor an Hoelan).

1 Myghternedh 4:12

Baana mab Ahilud yn Taanak ha Megiddo, oll Beth-shean ryb Sarethan yn-dann Yezreel, a Beth-shean dhe Abel-mehola, bys y'n tu arall dhe Yokmeam;

1 Myghternedh 7:46

Yn plen an Yordan an myghtern a's molas y'n dor pri yntra Sukkoth ha Sarethan.

Salmow 114:3

An mor a welas henna, ha fia; an Yordan a dreylyas war-dhelergh.

Salmow 114:5

Pandr'a hwer dhis, A vor, ty dhe fia, ty, Yordan, dhe dreylya war-dhelergh?

Salmow 29:10

An Arloedh a esedh yn y se war an liv; ha'n Arloedh a esedh avel Myghtern bys vykken.

Salmow 33:7

Ev a guntellas dowrow an mor war-barth yn graghell; ev a worr an downderyow yn gwithvaow.

Salmow 66:6

Ev a dreylyas an mor dhe dir sygh; mayth ethons der an avon war dreys; ena ni a lowenhas ynno.

Salmow 74:15

Ty a folsas an fenten ha'n fros; ty a dhesyghas avonyow prest ow resek.

Salmow 77:19

Yma dha fordh y'n mor, ha'th hynsyow y'n dowrow meur; ha nyns yw olow dha dreys aswonnys.

Salmow 78:13

Ev a rannas an mor, hag a wrug dhedha tremena dredho; ev a wrug dhe'n dowrow sevel kepar ha graghell.

Eksodus 14:21

Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Eksodus 14:22

Ha mebyon Ysrael eth yn mysk an mor war dhor sygh, an dowrow ow pos fos dhedha a'ga dyghow hag a'ga kledh.

Eksodus 14:29

Mes mebyon Ysrael a gerdhas war dhor sygh yn mysk an mor, an dowrow ow pos fos dhedha a'ga dyghow hag a'ga kledh.

Eksodus 15:8

Orth hwyth dha dhewfrik an dowrow a hwythfis yn-bann, an livow a sevis yn graghell; an downderyow a gowlas yn kolonn an mor.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ezekiel 47:8

Yn-medh ev dhymm, ‘Yma'n dowr ma ow resek yn-mes troha ranndir an est, hag ow mos yn-nans dhe'n Araba; pan dheu bys y'n mor, bys yn mor an dowrow trenk, an dowr a vydh yaghhes.

Nahum 1:4

Ev a geredh an mor ha'y sygha, ha desygha an avonyow oll. Bashan ha Karmel a wedher ha bleujenn Lebanon a wedher.

Habakkuk 3:8

A wrug dha sorr dewi erbynn an avonyow, A Arloedh, yw dha goler erbynn an avonyow po dha gonnar erbynn an mor, may farghogydh war dha vergh, dha jarettow a selwyans?

Niverow 34:3

agas tenewen dyghow a vydh a-dhiworth gwylvos Sin, ryb amal Edom; hag y'n est, agas or dhyghow a vydh dhiworth penn Mor an Hoelan;

Dewteronomi 1:1

An re ma yw an geryow a gewsis Moyses dhe oll Ysrael dres an Yordan y'n gwylvos, y'n Araba, a-dal Suf, yntra Paran ha Tofel, Laban, Haserot ha Di-zahab.

Dewteronomi 3:17

an Araba ha'n Yordan o or, dhiworth Kinnereth bys yn mor an Araba, yw Mor an Hoelan, yn-dann ledrow Pisga troha'n howldrevel.

Yoshua 12:3

ha'n Araba bys yn mor Kinnereth troha'n howldrevel, ha bys yn mor an Araba, Mor an Hoelan, troha'n howldrevel, an fordh dhe Beth-yeshimoth, ha dhiworth Teman, yn-dann ledrow Pisga.

Yoshua 15:2

Aga or dhyghow a dhallathas dhiworth Mor an Hoelan, dhiworth an taves a vir orth an dyghow;

Yoshua 16:7

Hi eth yn-nans dhiworth Yanoagh dhe Ataroth ha dhe Naara, ha tochya Yeriko, hag ystynn dhe'n Yordan.

Yoshua 3:13

Ha pan bowes godhnow treys an oferysi usi ow toen argh an Arloedh, Arloedh oll an nor, yn dowrow an Yordan, dowrow an Yordan a vydh treghys dhiworth an dowrow a dheu yn-nans a-wartha; hag i a sev yn graghell.’

Yoshua 4:22

ena displegyewgh dh'agas mebyon, “Ysrael a dreusis an Yordan ma war an tir sygh.”

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.

Breusysi 7:22

Pan hwythsons an tri hans hirgorn, an Arloedh a settyas kledha pub den erbynn y vata hag erbynn oll an kamp; ha'n lu a fias maga pell avel Beth-shitta war-tu ha Serera, maga pell avel or Abel-mehola ryb Tabbath.