Yoshua 3:14 - An Bibel Kernewek 20234 (Kernewek Kemmyn)

¹⁴ Ytho pan eth an bobel yn-rag dhiworth aga thyldow dhe dreusi an Yordan, an oferysi esa ow toen argh an kevambos eth a-rag an bobel.

Yoshua 3:14 Iomraidhean Croise

Salmow 132:8

Sav, A Arloedh, a-berth y'th powesva, ty hag argh dha nerth.

Yeremia 3:16

Hag y hwyrvydh, pan vydhowgh palshes ha kressys y'n tir, y'n dydhyow na, yn-medh an Arloedh, ny leverons moy, ‘Argh kevambos an Arloedh.’ Ny dheu y'n brys; na ny vydh kovhes; na ny vynnons y visitya namoy; na ny vydh henna gwrys arta.

Dewteronomi 31:26

‘Kemmerewgh an lyver ma a'n lagha ha'y settya ryb argh kevambos an Arloedh agas Duw, rag may fo eno yn test er dha bynn.

Ebrowyon 9:4

a'n jevo ynno an alter owrek a ynkys hag argh an kevambos kudhys pub tenewen gans owr, hag ynni seth owrek a synsi an manna, ha gwelenn Aron hag a eginas, ha leghennow an kevambos;

Yoshua 24:11

Ena hwi a dreusis an Yordan ha dos dhe Yeriko, ha tus Yeriko a omladhas er agas pynn, hag ynwedh an Amorysi, an Perizzysi, an Kananysi, an Hittysi, an Girgashysi, an Hivysi ha'n Yebusysi; ha my a's ros yn agas leuv.

Yoshua 3:3

hag i a worhemmynnis dhe'n bobel ow leverel, ‘Pan welowgh argh kevambos an Arloedh agas Duw, ha'n oferysi, an Levysi, orth hy doen, hwi ynwedh ewgh yn-rag a'gas tyller ha'y holya.

Yoshua 3:6

Ha Yoshua a gewsis dhe'n oferysi, ow leverel, ‘Drehevewgh argh an kevambos, ha treusewgh a-dherag an bobel.’ Ytho i a dhrehevis argh an kevambos ha mos a-dherag an bobel.

Yoshua 6:6

Ytho Yoshua mab Nun a elwis an oferysi ha leverel dhedha, ‘Degewgh argh an kevambos, ha gas seyth oferyas dhe dhoen seyth hirgorn a gern hordhes a-rag argh an Arloedh.’