Yoshua 3:1 - An Bibel Kernewek 20234 (Kernewek Kemmyn)

¹ Yoshua a sevis myttin a-varr hag i eth yn-kerdh dhiworth Shittim ha dos bys y'n Yordan, ev hag oll an Ysraelysi. I a wortas ena kyns i dhe dreusi.

Yoshua 3:1 Iomraidhean Croise

Jenesis 21:14

Hag Abraham a sevis yn-bann ternos vyttin a-varr ha kemmeres bara ha kroghen dowr ha'ga ri dhe Hagar orth aga gorra war hy diwskoedh, ha'n flogh, ha'y dannvon dhe-ves, ha hi eth yn-kerdh ha gwandra yn difeythtir Beer-sheba.

Jenesis 22:3

Hag Abraham a sevis yn-bann ternos a-varr, ha dibra y asen, ha kemmeres dew a'y wer yowynk ganso hag Ysak y vab, ha treghi an keunys rag an offrynn leskys, ha sevel ha mos dhe'n tyller a leveris Duw dhodho.

Salmow 119:60

My a fistenas ha ny dhelatis an termyn rag synsi dha worhemmynnow.

Yeremia 25:3

A-dhia drydhegves blydhen Yosia mab Amon myghtern Yuda, bys y'n jydh ma, henn yw an tressa blydhen warn ugens, ger an Arloedh re dheuth dhymm, ha my re gewsis dhywgh yn tiwysyk, mes ny woslewsowgh.

Yeremia 26:5

dhe glewes geryow ow servysi an brofoesi re dhannvenis dhywgh, orth aga dannvon arta hag arta, mes ny woslewsowgh;

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Mika 6:5

Ow fobel vy, porth kov a'n pyth a gusulyas Balak myghtern Moab, hag a'n pyth a worthybis dhodho Balaam mab Beor, hag a'n pyth a hwarva dhiworth Shittim bys Gilgal, rag mayth aswonni gweythresow gwiryon an Arloedh.’

Niverow 25:1

Hag Ysrael ow triga yn Shittim, an bobel a dhallathas horya gans mowesi Moab.

Mark 1:35

Ha myttin a-varr, hag ev ow sevel fest pell kyns hy bos dydh, ev eth yn-mes hag omdenna bys yn tyller difeyth, hag ena yth esa ow pysi.

Yoshua 2:1

Yoshua mab Nun a ragdhannvonas dew wour dhiworth Shittim dhe aspia yn-dann gel, ow leverel, ‘Kewgh dhe vires orth an tir, hag yn arbennik Yeriko.’ Ytho i eth, ha dos dhe ji hora, Rahab hy hanow, hag i a spenas an nos ena.

Yoshua 6:12

Yoshua a sevis myttin a-varr, ha'n oferysi a dhrehevis argh an Arloedh.

Yoshua 6:15

An seythves dydh i a sevis a-varr, orth dydh-tardh, ha kerdhes a-dro dhe'n sita y'n keth vaner seythgweyth, saw y'n jydh na i a gerdhas a-dro dhe'n sita seythgweyth.

Yoshua 7:16

Ytho Yoshua a sevis myttin a-varr, ha dri an Ysraelysi nes war-lergh aga loethow, ha loeth Yuda a veu kemmerys.

Yoshua 8:10

Yoshua a sevis myttin a-varr ha hwithra an lu, hag ev ha henavogyon Ysrael eth yn-bann a-rag an lu erbynn Ay.

Breusysi 20:19

Ena mebyon Ysrael a sevis y'n myttin hag a gampyas ryb Gibea.

1 Samuel 17:20

Davydh a sevis myttin a-varr, ha gasa an deves gans gwithyas, ha kemmeres an sosten, ha mos kepar dell wrussa Yesse erghi dhodho. Ev a dheuth dhe'n kamp yn kettermyn dell esa an lu ow mos yn-rag dhe'n vatel, ow karma rag an vatel.