Yoshua 24:27 - An Bibel Kernewek 20234 (Kernewek Kemmyn)

²⁷ Ha Yoshua a leveris dhe oll an bobel, ‘Otta, an men ma a vydh dustuni er agan pynn; rag ev re glewas oll geryow an Arloedh a gewsis orthyn; dustuni vydh er agas pynn, ma na wryllowgh nagha agas Duw.’

Yoshua 24:27 Iomraidhean Croise

Job 31:23

Rag yth esa euth dhymm a derroes dhiworth Duw, ha drefenn y ryelder ny yllyn gul henna.

Job 31:28

hemma ynwedh a via kammweyth dhe vos breusys, rag my a via dislen dhe Dhuw y'n ughelder.

Lavarow Koth 30:9

poken lenwys vydhav hag y'th naghav hag y lavarav, ‘Piw yw an Arloedh?’ Po y fydhav boghosek ha ladra, ha disakra hanow ow Duw.

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 59:13

rebellyans ha toell erbynn an Arloedh, treylya war-dhelergh dhiworth siwya agan Duw, kewsel arwask ha rebellyans, konsevya ha kewsel y'n golonn geryow gow.

Habakkuk 2:11

Rag an men a skrij dhiworth an fos, ha'n geber y'n prennweyth a'n gorthyp.

Niverow 11:20

mes mis kowal, bys pan dheu yn-mes a'gas frigow hag a dheu ha bos kasadow dhywgh, rag hwi dhe nagha an Arloedh usi yn agas mysk, hag oela a-ragdho, ow leverel, “Prag y teuthen yn-mes a Ejyp?” ’

Matthew 10:33

ha piwpynag a'm denaggho a-rag tus, my ynwedh a'n denagh ev a-rag ow Thas eus y'n nevow.

Luk 19:40

Ev a worthybis, ow leverel, ‘My a lever dhywgh, mar tewons an re ma, an meyn a wra leva!’

Dewteronomi 30:19

My a elow nev ha nor yn test er agas pynn hedhyw y hwrugavy settya a-ragos bewnans ha mernans, bennath ha molleth; ytho dewis bewnans rag may fewi, ty ha dha has,

Dewteronomi 31:19

Ha lemmyn, skrifewgh ragowgh agas honan an gan ma, ha dysk hi dhe vebyon Ysrael, ha gorr hi yn aga ganow, rag may fo an gan ma test ragov erbynn mebyon Ysrael.

Dewteronomi 31:21

Ha pan wra lies drog hag ahwer aga havoes, an gan ma a worthyp yn test; rag ny vydh ankevys mes a anow aga henedh. My a woer mynnas aga brys usi dhedha hedhyw, hwath kyns my dh'aga dri dhe'n tir a wrugavy y di.’

Dewteronomi 31:26

‘Kemmerewgh an lyver ma a'n lagha ha'y settya ryb argh kevambos an Arloedh agas Duw, rag may fo eno yn test er dha bynn.

Dewteronomi 32:1

Goslow nev, ha my a gews; klew, norvys, geryow ow ganow.

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.

Titus 1:16

I a lever i dhe aswonn Duw, mes yn aga gwriansow i a'n nagh. Kasadow ha diwostydh yns i hag anwiw rag pub gwrians da.

Yoshua 22:34

An Rewbenysi ha'n Gadysi a henwis an alter Dustunier, ‘Drefenn hy bos dustunier yntredhon bos an Arloedh Duw.’

Yoshua 24:28

Ytho Yoshua a dhannvonas an bobel dhe-ves, peub dh'y eretons y honan.

Diskwedhyans 3:8

‘My a aswonn dha wriansow. Otta, my re worras daras igerys a-dheragos, ha denvyth ny yll y dhegea; rag bos krevder byghan genes, ha re withsys ow ger, ha ny neghsys ow hanow.

1 Samuel 7:12

Ena Samuel a gemmeras men ha'y settya yntra Mispa ha Yeshana, ha'y henwel Ebenezer; rag ev a leveris, ‘Kyns-lemmyn an Arloedh re'gan gweresas.’