Yoshua 24:25 - An Bibel Kernewek 20234 (Kernewek Kemmyn)

²⁵ Ytho Yoshua a wrug kevambos gans an bobel y'n jydh na, ha settya ordenans ha lagha ragdha yn Shekem.

Yoshua 24:25 Iomraidhean Croise

Jenesis 35:4

Hag i a ros dhe Yakob oll an duwow estren esa dhedha, ha'n bysowyer yn aga skovornow, ha Yakob a's kelas yn-dann an derebinthenn ogas dhe Shekem.

2 Myghternedh 11:17

Yehoyada a wrug kevambos ynter an Arloedh ha'n myghtern ha'n bobel, may fedhens i pobel an Arloedh; hag ev a wrug kevambos ynter an myghtern ha'n bobel ynwedh.

2 Kroniklys 15:12

I a entras yn kevambos dhe hwilas an Arloedh, Duw aga thasow, gans oll aga holon ha gans oll aga enev.

2 Kroniklys 15:15

Oll Yuda a lowenhas orth an ti; rag i re dosa gans oll aga holonn. I a'n hwilas gans oll aga bodh, hag ev o kevys gansa. Ha'n Arloedh a ros dhedha powes oll a-derdro.

2 Kroniklys 23:16

Yehoyada a wrug kevambos yntredho y honan hag oll an bobel ha'n myghtern may fons pobel an Arloedh.

2 Kroniklys 29:10

Yndella yma y'm kolonn gul kevambos gans an Arloedh Duw Ysrael, rag may treyllyo y sorr dhiworthyn.

Nehemia 9:38

Drefenn hemma oll, ni a wra kevambos fyrv, ha'y skrifa; ha war an skrifenn selys yma henwyn agan pennsevigyon, agan Levysi, ha'gan oferysi.

Eksodus 15:25

Hag ev a grias war an Arloedh; ha'n Arloedh a dhiskwedhas dhodho gwydhenn hag ev a's tewlis y'n dowr, ha'n dowr eth ha bos hweg. Ena an Arloedh a wrug dhedha ordenans ha lagha hag ena ev a's provas,

Eksodus 24:3

Moyses a dheuth ha leverel dhe'n bobel geryow oll an Arloedh hag oll an ordenansow; ha'n bobel oll a worthybis gans unn lev, ha leverel, ‘Oll an geryow re gewsis an Arloedh, ni a's gwra.’

Dewteronomi 29:1

An re ma yw geryow an kevambos a worhemmynnis an Arloedh dhe Moyses dh'y wul gans mebyon Ysrael yn pow Moab, dres an kevambos a wrug gansa orth Horeb.

Yoshua 24:1

Ena Yoshua a guntellas oll loethow Ysrael yn Shekem, ha gelwel henavogyon Ysrael, an rewloryon, an vreusysi ha'n soedhogyon; hag i a sevis a-dherag Duw.

Yoshua 24:26

Ha Yoshua a skrifas an geryow ma yn lyver lagha Duw. Ena ev a gemmeras men bras ha'y settya yn-bann yn-dann an dherwenn yn sentri an Arloedh.