Yoshua 23:12 - An Bibel Kernewek 20234 (Kernewek Kemmyn)

¹² Rag mar treylyowgh dhe-ves ha glena orth remenant an kenedhlow ma yw gesys yn agas mysk, ha mar junyowgh gansa yn demmedhyans, ha mar kowethyowgh gansa hag i genowgh hwi,

Yoshua 23:12 Iomraidhean Croise

Jenesis 2:24

Ytho gour a vynn gasa y das ha'y vamm ha glena orth y wreg hag i a vydh unn kig.

Jenesis 34:3

Ha'y enev a lenas orth Dina, myrgh Yakob, hag ev a garas an vowes ha kewsel yn kuv dhe'n vowes.

1 Myghternedh 11:2

a genedhlow may leveris an Arloedh anedha dhe'n Ysraelysi, ‘Nyns ewgh yn priosoleth gansa, na nyns ons yn priosoleth genowgh; rag yn sertan i a dreyl dhe-ves agas kolonn dhe holya aga duwow’. Mes Solomon a lenas orth an re ma yn kerensa.

1 Myghternedh 11:4

Rag pan o Solomon koth y wragedh a dreylyas dhe-ves y golonn war-lergh duwow erell; ha nyns o y golonn perfydh gans an Arloedh y Dhuw, par dell o kolonn y das Davydh.

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Salmow 36:3

Geryow y anow yw gwag ha toell; ev re astelas bos fur ha gul da.

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ezekiel 18:24

Mes pan dreyl an den gwiryon dhiworth y wiryonedh ha gul war-lergh oll an taklow kasadow a wra an tebelwas, a vew ev? Ny vydh kovhes travyth a'y wiryonedh a wrug; drefenn an dislelder ha'n peghes a wrug, ev a verow.

Sefania 1:6

ha'n re a dreyl dhiworth an Arloedh; ha'n re na hwilas an Arloedh ha na wovynnas kusul dhiworto.

Matthew 12:45

Ena yth a ha dri ganso seyth spyrys arall gweth agesso y honan, hag i ow mones a-bervedh, a drig ena; ha diwedh an den na yw gweth ages y dhalleth. Yndella ynwedh y fydh hi dhe'n henedh drog ma.’

Yowann 6:66

Alena rag lies a'y dhyskyblon eth war-dhelergh, ha ny gerdhens ganso namoy.

Romanyon 12:9

Gwres kerensa bos gwiryon; kesewgh an drog, glenewgh orth an da;

Dewteronomi 6:15

(rag Duw avius yw an Arloedh dha Dhuw yn agas mysk), ma na dhewo sorr an Arloedh dha Dhuw er dha bynn ha'th tistrui a-dhiwar enep an tir.

Dewteronomi 7:3

Na wra demmedhyansow gansa. Na ro dha vyrgh dh'y vab ha na gemmer y vyrgh rag dha vab;

Dewteronomi 7:4

rag ev a dreyl dha vab a-dhiworthiv, dhe servya duwow erell, ha sorr an Arloedh a dhew er agas pynn ha'th tistrui toeth da.

Yoshua 23:11

Gorwithewgh ytho dhe gara an Arloedh agas Duw.

1 Yowann 2:9

Neb a lever y vos y'n golewder, hag a gas y vroder, yma ev y'n tewlder bys omma.

Breusysi 14:3

Mes y das ha'y vamm a leveris dhodho, ‘A nyns eus benyn yn mysk dha gerens, po yn mysk oll agan pobel, bys may tegoedh dhis kavoes gwreg dhiworth an Filistysi antrodreghys?’ Mes Samson a leveris dh'y das, ‘Kav hi ragov, drefenn hi a'm ples.’

Breusysi 3:6

hag i a gemmeri aga myrghes rag aga gwragedh, ha'ga myrghes a rens dh'aga mebyon; hag i a wordhyens aga duwow.