Yoshua 23:1 - An Bibel Kernewek 20234 (Kernewek Kemmyn)

¹ Lies blydhen a-wosa, a-ban rosa an Arloedh powes dhe Ysrael a-dhiworth oll aga eskerens y'n kyrghynn, ha pan o Yoshua gyllys koth yn y dhydhyow,

Yoshua 23:1 Iomraidhean Croise

Jenesis 25:8

Ena Abraham a dremenas hag a verwis yn kothni dha, den koth, leun a vlydhynyow, hag y feu kuntellys dh'y bobel.

1 Myghternedh 1:1

Myghtern Davydh o gyllys koth yn y dhydhyow; hag i a'n kudhas gans dillasow, mes ny ylli omdoemma.

1 Kroniklys 23:25

Rag Davydh a leveris, ‘An Arloedh, Duw Ysrael, re ros powes dh'y bobel; hag ev a drig yn Yerusalem bys vykken.

1 Kroniklys 27:1

Homm yw rol an Ysraelysi, pennow teyluyow, kaptenyon milyow ha kansow ha'ga soedhogyon a servya an myghtern yn pup-tra ow tochya dhe'n rannow a dho a-ji hag e yn-mes mis wosa mis dre der oll misyow an vlydhen. Pub rann a's tevo peswar mil wour warn ugens.

2 Kroniklys 14:1

Yndella Abia a goskas gans y dasow, hag i a'n ynkleudhyas yn sita Davydh. Y vab Asa a reynyas yn y le. Yn y dhydhyow an tir a'n jevo powes deg blydhen.

2 Kroniklys 14:5

Ynwedh ev a gemmeras dhe-ves, dhiworth oll sitys Yuda an tylleryow ughel ha'n alteryow a ynkys. Ha'n wlaskor a's tevo powes yn-danno.

2 Kroniklys 20:30

Gwlaskor Yehoshafat o kosel, rag y Dhuw a ros dhodho powes oll a-derdro.

Salmow 46:9

Ev a wra dhe vreselyow hedhi bys yn pennow an nor; ev a derr an warak, ha treghi an guw, ha leski an charettow y'n tan.

Ysay 63:14

avel best a dhiyskynn dhe'n nans, Spyrys an Arloedh a ros dhedha powes. Yndella ty a ledyas dha bobel, dhe wul dhis hanow gloryus.

Dewteronomi 31:2

Yn-medh ev dhedha, ‘Hwegh-ugens bloedh ov vy hedhyw. Ny allav vy mos yn-mes po dos dhe-dre na fella; ha'n Arloedh a leveris dhymm, “Ny dreusydh an Yordan ma.”

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.

Yoshua 13:1

Gyllys koth o Yoshua yn y dhydhyow; ha'n Arloedh a leveris dhodho, ‘Gyllys koth osta yn dha dhydhyow, hag yma gesys pur veur a dir rag bos eritys.

Yoshua 21:44

Ha'n Arloedh a ros dhedha powes oll a-derdro, war-lergh oll a dosa dh'aga thasow; ha nyns esa gour dhiworth oll aga eskerens a allas sevel er aga fynn; rag an Arloedh a ros oll aga eskerens yn aga leuv.

Yoshua 22:4

Ha lemmyn an Arloedh agas Duw re ros powes dh'agas breder, dell ambosas dhedha. Ytho lemmyn treylyewgh ha mos dh'agas tyldow ha dhe dir agas perghennogeth a ros Moyses gwas an Arloedh dhywgh dres an Yordan.

1 Samuel 12:2

Lemmyn, awotta, an myghtern a gerdh a-dheragowgh; ha koth ov vy ha loes, mes yma ow mebyon genowgh. My re gerdhas a-dheragowgh a-dhia'm yowynkneth bys y'n jydh hedhyw.