Yoshua 22:9 - An Bibel Kernewek 20234 (Kernewek Kemmyn)

⁹ Ytho mebyon Rewben ha mebyon Gad ha hanter-loeth Manasse a dhehwelis ha diberth a'n Ysraelysi yn Shilo, usi yn pow Kanan, rag mos dhe bow Gilead, dhe dir aga ferghennogeth re gemmersens war-lergh ganow an Arloedh dre leuv Moyses.

Yoshua 22:9 Iomraidhean Croise

2 Samuel 2:9

Ev a'n gwrug myghtern war Gilead, ha war an Asherysi, ha war Yezreel, ha war Efraym, ha war Benyamin, ha war oll Ysrael.

1 Kroniklys 5:9

Troha'n est yth esens trigys ynwedh bys amal an difeyth a ystynn dhiworth an avon Ewfrates drefenn aga chatel dhe gressya yn pow Gilead.

Salmow 60:7

Gilead yw dhymm, ha Manasse yw dhymm; Efraym ynwedh yw nerth ow fenn; Yuda yw ow gwelenn.

Niverow 32:1

Lemmyn mebyon Rewben ha mebyon Gad a's tevo routh veur a warthek; hag i a welas pow Yazer ha pow Gilead, hag otta, an tyller o tyller rag gwarthek.

Niverow 32:20

Ytho Moyses a leveris dhedha, ‘Mar kwrewgh hemma, mar kemmerowgh arvow ha mos a-rag an Arloedh rag an vresel,

Niverow 32:22

ha'n tir bos fethys a-dherag an Arloedh; a-wosa, hwi a wra dehweles ha bos heb blam a-rag an Arloedh hag a-rag Ysrael; ha'n tir ma a vydh agas perghennogeth a-dherag an Arloedh.

Niverow 32:26

Agan re vyghan, agan gwragedh, agan greow, ha'gan gwarthek oll, a vydh ena yn sitys Gilead;

Niverow 32:29

Ha Moyses a leveris dhedha, ‘Mebyon Gad ha mebyon Rewben, pubonan ervys rag vresel a-dherag an Arloedh, mar tremenons genowgh dres an Yordan ha'n tir fethys a-ragowgh, ena hwi a re dhedha pow Gilead avel perghennogeth;

Dewteronomi 3:18

Ena my a worhemmynnis dhywgh y'n tor' na, ow leverel, ‘An Arloedh agas Duw re ros dhywgh an tir ma dh'y erita. Oll agas kasoryon, ervys rag batel, a wra mos a-dreus kyns agas breder, mebyon Ysrael.

Dewteronomi 3:20

bys pan re an Arloedh powes dh'agas breder, kepar dell ros dhywgh hwi, hag i ynwedh a erit an tir usi an Arloedh agas Duw ow ri dhedha dres an Yordan. Ena pubonan a dhehwel dh'y eretons re res dhywgh.’

Dewteronomi 34:1

Ena Moyses a yskynnas dhiworth plenys Moab dhe venydh Nebo, penn Pisga, usi a-dal Yeriko. Ha'n Arloedh a dhiskwedhas dhodho oll an tir, Gilead bys Dan,

Yoshua 13:11

ha Gilead, hag or an Geshurysi ha'n Maakathysi, hag oll menydh Hermon, hag oll Bashan bys Saleka;

Yoshua 13:25

Aga or o Yazer, hag oll sitys Gilead, ha hanter tir an Ammonysi, bys yn Aroer, usi a'n howldrevel dhe Rabba,

Yoshua 13:31

hanter Gilead, hag Ashtaroth hag Edrei, sitys ryel Og yn Bashan. Hemm o rag mebyon Makir mab Manasse, rag hanter a vebyon Makir war-lergh aga theyluyow.

Yoshua 22:10

Pan dheuthons dhe Geliloth ryb an Yordan yn pow Kanan, mebyon Rewben ha mebyon Gad ha hanter-loeth Manasse a dhrehevis alter ena ryb an Yordan, alter vras dhe weles.

Breusysi 20:1

Ena oll mebyon Ysrael a dheuth yn-mes, dhiworth Dan bys yn Beer-sheba, yn aga mysk pow Gilead, ha'n bobel a omguntellas yn unn bagas a-rag an Arloedh yn Mispa.

Breusysi 5:17

Gilead a bowesas dres an Yordan; ha Dan, prag y triga ev gans an gorholyon? Asher a esedha stag orth an arvor, ow triga ryb y ankorvaow.