Yoshua 22:31 - An Bibel Kernewek 20234 (Kernewek Kemmyn)

³¹ Finehas an oferyas mab Eleazar a leveris dhe'n Rewbenysi ha dhe'n Gadysi ha dhe vebyon Manasse, ‘Hedhyw ni a woer bos an Arloedh yn agan mysk drefenn na wrussowgh travyth dislel erbynn an Arloedh; lemmyn hwi re sawyas an Ysraelysi yn-mes a leuv an Arloedh.’

Yoshua 22:31 Iomraidhean Croise

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

Ezra 7:5

mab Abishua, mab Finehas, mab Eleazar, mab Aron an pennoferyas:

Salmow 68:17

Charettow Duw yw ugens mil, ha milyow a vilyow; yma an Arloedh yn aga mysk, avel yn Sinay, y'n sentri.

Eksodus 25:8

Ha gas i dhe wul dhymm sentri may trikkiv yn aga mysk.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

1 Korinthianys 14:25

kevrinyow y golonn diskudhys yw; rakhenna, koedhys dhe'n dor, gordhya Duw a wra ev hag avowa bos Duw yntredhowgh yn tevri.

Yoshua 22:30

Pan glewas Finehas an oferyas ha ledyoryon an kuntelles, ha pennow kordhow Ysrael esa ganso, an geryow a gewsis an Rewbenysi ha'n Gadysi ha mebyon Manasse, yth o da yn aga golok.

Yoshua 22:32

Ytho Finehas an oferyas mab Eleazar ha'n ledyoryon a dhehwelis a-dhiworth an Rewbenysi ha'n Gadysi yn pow Gilead dhe bow Kanan, dhe'n Ysraelysi, hag i a ros derivas dhedha.

Yoshua 3:10

Ha Yoshua a leveris, ‘Gans hemma godhvydhewgh bos an Duw bew yn agas mysk hag ev dhe fesya a-dheragowgh heb falladow an Kananysi, an Hittysi, an Hivysi, an Perizzysi, an Girgashysi, an Amorysi ha'n Yebusysi.