Yoshua 22:30 - An Bibel Kernewek 20234 (Kernewek Kemmyn)

³⁰ Pan glewas Finehas an oferyas ha ledyoryon an kuntelles, ha pennow kordhow Ysrael esa ganso, an geryow a gewsis an Rewbenysi ha'n Gadysi ha mebyon Manasse, yth o da yn aga golok.

Yoshua 22:30 Iomraidhean Croise

Jenesis 28:8

Ena Esaw a welas bos myrghes Kanan kasadow yn golok Ysak y das;

2 Kroniklys 30:4

An towl a heveli da dhe'n myghtern ha dhe oll an kuntelles

Ester 1:21

An lavar o plegadow dhe'n myghtern ha'n bennsevigyon; ha'n myghtern a wrug war-lergh ger Memukan.

Lavarow Koth 15:1

Gorthyp medhel a dreyl konnar dhe-ves, mes ger tynn a dhre sorr yn-bann.

Oberow 11:18

Pan glewsons an taklow ma, i a dewis ha gordhya Duw, ow leverel, ‘Ytho dhe'n Jentilys ynwedh Duw re ros edrek a led dhe vewnans.’

Yoshua 22:29

Pell bedhes dhiworthyn ni defia an Arloedh, ha treylya y'n jydh ma a siwya an Arloedh rag drehevel alter rag offrynn leskys, offrynn, po sakrifis, nag yw alter an Arloedh agan Duw usi a-rag y dabernakel.’

Yoshua 22:31

Finehas an oferyas mab Eleazar a leveris dhe'n Rewbenysi ha dhe'n Gadysi ha dhe vebyon Manasse, ‘Hedhyw ni a woer bos an Arloedh yn agan mysk drefenn na wrussowgh travyth dislel erbynn an Arloedh; lemmyn hwi re sawyas an Ysraelysi yn-mes a leuv an Arloedh.’

Yoshua 22:33

Pes da o an Ysraelysi; ha'n Ysraelysi a vennigas Duw ha ny gowssons namoy a vos yn-bann er aga fynn gans lu, rag distrui an tir le mayth esa an Rewbenysi ha'n Gadysi trigys.

Breusysi 8:3

Duw re ros ynter agas diwla pennsevigyon Midyan, Oreb ha Zeeb; pyth a yllis vy y wul avelowgh?’ Pan leveris hemma aga sorr orto a lehas.

1 Samuel 29:6

Ena Akish a elwis Davydh ha leverel dhodho, ‘Dell vew an Arloedh, ty re beu ewnhynsek, hag y'm golok yth hevel ewn dhymm ty dhe vones yn-mes ha dones a-ji genev y'n lu; rag ny gevis drog vyth ynnos a-dhia'n jydh may teuthys dhymm bys y'n jydh hedhyw. Byttegyns nyns osta da yn dewlagas an wahalyethow.