Yoshua 22:29 - An Bibel Kernewek 20234 (Kernewek Kemmyn)

²⁹ Pell bedhes dhiworthyn ni defia an Arloedh, ha treylya y'n jydh ma a siwya an Arloedh rag drehevel alter rag offrynn leskys, offrynn, po sakrifis, nag yw alter an Arloedh agan Duw usi a-rag y dabernakel.’

Yoshua 22:29 Iomraidhean Croise

Jenesis 44:17

Hag yn-medh ev, ‘Pell bedhes dhiworthiv gul hemma. Neb may feu an hanaf kevys yn y dhorn, ev a vydh ow hethwas. Mes hwi, kewgh yn-bann yn kres dh'agas tas.’

Jenesis 44:7

Yn-medhons dhodho. ‘Prag y kews ow arloedh war-lergh an geryow ma? Pell bedhes dhiworth dha wesyon gul yndella.

1 Myghternedh 21:3

Mes Naboth a leveris dhe Ahab, ‘An Arloedh a'm difennas a ri dhis eretons ow thasow.’

2 Myghternedh 18:22

Mes mar leverydh dhymm, “Ni a fydh y'n Arloedh agan Duw”, a nyns yw ev may kemmeras dhe-ves Hezekia y dylleryow ughel ha'y alteryow, ow leverel dhe Yuda ha dhe Yerusalem, “Hwi a wordhyowgh a-dherag an alter ma yn Yerusalem”?

2 Kroniklys 32:12

A ny gemmeras Hezekia y honan dhe-ves y dylleryow ughel ha'y alteryow, hag a worhemmynnis dhe Yuda ha Yerusalem, ow leverel, “A-rag unn alter hwi a wra gordhya, ha warnedhi hwi a lesk offrynnow”?

Romanyon 3:6

Kammenn vyth! Poken fatell allsa Duw breusi an bys?

Romanyon 6:2

Kammenn vyth! Fatell yllyn ni neb a verwis dhe begh bewa hwath ynno?

Romanyon 9:14

Pandr'a leveryn ytho? Eus kammhynseth gans Duw? Bynner re bo!

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Yoshua 22:23

Mar trehaffen ragon alter rag treylya a siwya an Arloedh, po mar kwrellen warnedhi offrynn leskys po offrynn greun po mar kwrellen warnedhi sakrifisow offrynnow kres, an Arloedh y honan a hwilsa agan kessydhya.

Yoshua 22:26

Rakhenna ni a leveris, “Drehevyn lemmyn alter, na vydh rag offrynn leskys, na rag sakrifis,

Yoshua 22:28

Ni a brederis, Mar pe henna leverys dhyn ni po dh'agan henedh y'n termyn a dheu, ni a allsa leverel, “Mirewgh orth semlans alter an Arloedh, a wrug agan tasow, a-der rag offrynnow leskys, na rag sakrifis, mes avel dustunier yntra ni ha hwi.”

Yoshua 22:30

Pan glewas Finehas an oferyas ha ledyoryon an kuntelles, ha pennow kordhow Ysrael esa ganso, an geryow a gewsis an Rewbenysi ha'n Gadysi ha mebyon Manasse, yth o da yn aga golok.

Yoshua 24:16

Ena an bobel a worthybis ow leverel, ‘Pell bedhes dhiworthyn, ni dhe forsakya an Arloedh dhe servya duwow erell;

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.