Yoshua 22:27 - An Bibel Kernewek 20234 (Kernewek Kemmyn)

²⁷ mes dhe vos dustunier yntra ni ha hwi, hag ynter agan henedhow war agan lergh, may hwren ni servis an Arloedh a-ragdho gans agan offrynnow leskys ha'gan sakrifisow ha'gan offrynnow kres; ma na lavarro agas mebyon dh'agan mebyon yn termyn a dheu, ‘Nyns eus dhywgh rann y'n Arloedh.’ ”

Yoshua 22:27 Iomraidhean Croise

Jenesis 31:48

Hag yn-medh Laban, ‘An karn ma yw dustuni hedhyw yntra ty ha my.’ Ytho ev a elwis y hanow Galeed,

Jenesis 31:52

An karn ma yw dustuni ha'n peulven yw dustuni na wrav tremena dres an karn ma bys dhiso jy, ha na wredh tremena dres an karn ma ha'n peulven ma bys dhymmo vy rag drog.

Salmow 16:5

An Arloedh yw ow rann dhewisys ha'm hanaf; ty a syns ow hevrenn.

Ysay 19:19

Y'n jydh na y fydh alter dhe'n Arloedh yn kres pow Ejyp, ha peulven dhe'n Arloedh orth hy or.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Yoshua 22:10

Pan dheuthons dhe Geliloth ryb an Yordan yn pow Kanan, mebyon Rewben ha mebyon Gad ha hanter-loeth Manasse a dhrehevis alter ena ryb an Yordan, alter vras dhe weles.

Yoshua 22:26

Rakhenna ni a leveris, “Drehevyn lemmyn alter, na vydh rag offrynn leskys, na rag sakrifis,

Yoshua 22:28

Ni a brederis, Mar pe henna leverys dhyn ni po dh'agan henedh y'n termyn a dheu, ni a allsa leverel, “Mirewgh orth semlans alter an Arloedh, a wrug agan tasow, a-der rag offrynnow leskys, na rag sakrifis, mes avel dustunier yntra ni ha hwi.”

Yoshua 22:34

An Rewbenysi ha'n Gadysi a henwis an alter Dustunier, ‘Drefenn hy bos dustunier yntredhon bos an Arloedh Duw.’

Yoshua 24:27

Ha Yoshua a leveris dhe oll an bobel, ‘Otta, an men ma a vydh dustuni er agan pynn; rag ev re glewas oll geryow an Arloedh a gewsis orthyn; dustuni vydh er agas pynn, ma na wryllowgh nagha agas Duw.’

1 Samuel 7:12

Ena Samuel a gemmeras men ha'y settya yntra Mispa ha Yeshana, ha'y henwel Ebenezer; rag ev a leveris, ‘Kyns-lemmyn an Arloedh re'gan gweresas.’