Yoshua 22:23 - An Bibel Kernewek 20234 (Kernewek Kemmyn)

²³ Mar trehaffen ragon alter rag treylya a siwya an Arloedh, po mar kwrellen warnedhi offrynn leskys po offrynn greun po mar kwrellen warnedhi sakrifisow offrynnow kres, an Arloedh y honan a hwilsa agan kessydhya.

Yoshua 22:23 Iomraidhean Croise

Jenesis 9:4

Mes kig hag ynno y vewnans, henn yw y woes, ny wrewgh y dhybri.

2 Kroniklys 24:22

Ny borthas Yoash an myghtern kov a'n tregeredh diskwedhys dhodho gans Yehoyada y das, mes ev a ladhas y vab. Hag ev yn eneworres, ev a leveris, ‘Re wello an Arloedh ha diella!’

Ezekiel 3:18

Pan lavarav dhe'n tebelwas, ‘Ty a verow yn tevri’, ha ny redh dhodho gwarnyans, na kewsel dhe warnya tebelwas dhe dreylya dhiworth y fordh dhrog may sawyo y vewnans, an tebelwas na a verow yn y anewnder, mes y woes y hwilav a'th leuv.

Ezekiel 33:6

Mes mar kwel goelyador an kledha ow tos ha ny hwyth an hirgorn, ha nyns yw an bobel gwarnyes, ha'n kledha a dheu ha kemmeres nebonan dhiworta, y fydh an den na kemmerys dhe-ves yn y gammhynseth, mes y woes a wovynnav orth leuv an goelyador.

Ezekiel 33:8

Pan lavarav dhe debelwas, ‘Tebelwas, ty a verow surredi’, ha ny gewsydh dhe warnya an tebelwas dhe dreylya dhiworth y fordh, an tebelwas a verow yn y gammhynseth, mes y woes a wovynnav orth dha leuv.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 18:19

An gour neb na woslow orth ow geryow a gews y'm hanow, my a rekwir akont anodho.

Yoshua 22:24

Nansi, mes ni re wrug hemma rag own agas mebyon dhe leverel dh'agan mebyon ni y'n termyn a dheu, “Pyth yw agas kevrenn gans an Arloedh, Duw Ysrael?

1 Samuel 20:16

Yndella Yonathan a wrug kevambos gans chi Davydh, ow leverel, ‘Re hwilli an Arloedh eskerens Davydh.’