Mes Yoab a leveris, ‘Re geworro an Arloedh dh'y bobel kanskweyth kekemmys! Ow arloedh an myghtern, a nyns yns i oll gwesyon ow arloedh? Prag ytho y fynn ow arloedh gul hemma? Prag y fydh blam dres war Ysrael?’
A'n termyn may treylyas Amasia dhiworth an Arloedh, i a wrug bras er y bynn yn Yerusalem, hag ev a fias dhe Lakish. Mes i a dhannvonas war y lergh dhe Lakish hag ena i a'n ladhas.
I a sevis orth myghtern Uzzia hag a leveris dhodho, ‘Ny dhelledh dhis leski ynkys dhe'n Arloedh, mes y telledh dhe'n oferysi, mebyon Aron, yw sakrys dhe leski ynkys. Ke yn-mes a'n sentri; rag ty re wrug drog, ha ny dheg henna enor dhis dhiworth an Arloedh Duw.’
hag i a leveris dhedha, ‘Na dhrewgh an gethyon ma omma, rag ni a vydh kablus a-rag an Arloedh. A vynnowgh keworra dh'agan peghosow ha'gan kammweythresow? Rag agan kabel yw meur seulabrys, hag yma konnar fell erbynn Ysrael.’
A Arloedh, Duw Ysrael, ty yw gwiryon: rag ni yw gesys hedhyw avel remenant a skapyas. Ottani a-ragos yn agan kammweyth: drefenn ny yllyn ni sevel a-ragos drefenn hemma.’
Rag i re gemmeras re a'ga myrghes ragdha aga honan, ha rag aga mebyon: yndellma i re gemmyskas an has sans gans tus an broyow na: yn hwir, leuv an bennsevigyon ha'n soedhogyon re beu y'n voward y'n dislelder ma.’
i re dreylyas a-denewen yn uskis a'n fordh a worhemmynnis dhedha; i re wrug dhedha leugh teudh, ha'y wordhya ha sakrifia dhodho, ha leverel, “An re ma yw dha dhuwow, A Ysrael, a'th tros yn-mes a bow Ejyp.” ’
Rag yma an Amalekysi ha'n Kananysi ena a-ragowgh, ha hwi a wra koedha der an kledha; drefenn hwi dhe dreylya a-dhiworth an Arloedh, ny vydh an Arloedh genowgh.’
My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.
Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.
‘Yndellma y lever oll kuntelles an Arloedh, “Pyth yw an dislelder ma re wrussowgh erbynn Duw Ysrael ow treylya hedhyw dhiworth siwya an Arloedh, ow trehevel alter ragowgh agas honan hedhyw yn rebellyans erbynn an Arloedh?
Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’