Yoshua 21:1 - An Bibel Kernewek 20234 (Kernewek Kemmyn)

¹ Ena pennow teyluyow an Levysi a dheuth dhe Eleazar an oferyas ha dhe Yoshua mab Nun ha dhe bennow teyluyow loethow mebyon Ysrael;

Yoshua 21:1 Iomraidhean Croise

Jenesis 49:7

Milliges re bo aga sorr, rag fell yw, ha'ga honnar, rag tynn yw. My a wra aga ranna yn Yakob ha'ga skattra yn Ysrael.

Eksodus 6:14

An re ma yw pennow aga theyluyow: mebyon Rewben, kynsa-genys Ysrael: Hanok, Pallu, Hesron ha Karmi; an re ma yw teyluyow Rewben.

Eksodus 6:25

Eleazar mab Aron, a gemmeras avel y wreg onan a vyrghes Putiel; ha hi a dhug dhodho Finehas. An re ma yw pennow teyluyow an Levysi herwydh aga theyluyow.

Niverow 35:1

An Arloedh a leveris dhe Moyses, yn plenys Moab ryb Yordan a-dal Yeriko:

Niverow 35:8

An sitys a rewgh a vydh a-dhiworth perghennogeth mebyon Ysrael; a'n loethow brassa, hwi a wra kemmeres lies, hag a'n loethow byghanna hwi a gemmer boghes; peub, yn kemusur dhe'n eretons a her, a re a'y sitys dhe'n Levysi.

Yoshua 14:1

An re ma yw an tiryow a eritas mebyon Ysrael yn pow Kanan, a veu rynnys dhedha avel eretons gans Yoshua mab Nun ha pennow teyluyow loethow Ysrael.

Yoshua 17:4

I a dheuth dhe Eleazar an oferyas ha dhe Yoshua mab Nun ha dhe'n ledyoryon, hag a leveris, ‘An Arloedh a worhemmynnis dhe Moyses ri dhyn eretons yn mysk agan breder.’ Ytho war-lergh ganow an Arloedh ev a ros dhedha eretons yn mysk breder aga thas.

Yoshua 19:51

An re ma yw an ertaj a rannas Eleazar an oferyas, ha Yoshua mab Nun ha pennow teyluyow loethow an Ysraelysi rag eretons, ow tewlel prenn yn Shilo a-rag an Arloedh, yn entrans tylda an kuntelles. Yndella i a gowlwrug rannans an tir.