Yoshua 2:3 - An Bibel Kernewek 20234 (Kernewek Kemmyn)

³ Myghtern Yeriko a dhannvonas dhe Rahab ow leverel, ‘Dro yn-mes an wer a dheuth dhis, a dheuth dhe'th chi, rag i re dheuth dhe aspia oll an tir.’

Yoshua 2:3 Iomraidhean Croise

Jenesis 38:24

A-dro dhe dri mis wosa hemma, y feu derivys dhe Yuda ow leverel, ‘Tamar, dha wohydh re dheuth ha bos hora, ha, moy es henna, hi re gonsevyas dre horyans.’ Yn-medh Yuda, ‘Drewgh hi yn-mes dhe vos leskys.’

Jenesis 42:31

Mes ni a leveris dhodho, “Tus wiryon on ni. Nyns on ni aspioryon.

2 Samuel 10:3

pennsevigyon an Ammonysi a leveris dhe Hanun aga arloedh, ‘A dybydh bos Davydh owth enora dha das y'th wolok, hag ev ow tannvon konforters dhis? A ny dhannvonas Davydh y wesyon dhis dhe hwithra an sita, dhe aspia orti, ha dh'y domhwel?’

2 Samuel 17:20

Pan dheuth gwesyon Absalom dhe ji an venyn, i a leveris, ‘Ple'ma Ahimaas ha Yonathan?’ Ha'n venyn a worthybis dhedha, ‘I re dremenas dres gover an dowr.’ Ha pan hwilsons ha ny allsons aga havoes, i a dhehwelis dhe Yerusalem.

1 Kroniklys 19:3

pennsevigyon an Ammonysi a leveris dhe Hanun, ‘A dybydh bos Davydh owth enora dha das y'th wolok, hag ev ow tannvon konforters dhis? A ny dhannvonas Davydh y wesyon dhis dhe hwithra, dhe dhomhwel ha dhe aspia an pow?’

Job 21:30

bos an drogober gwithys dhiworth dydh an distruyans, ha bos delivrys dhiworth dydh an konnar?

Levitikus 24:14

Doro neb re vollethis yn-mes a'n kamp, ha gwres peub a'n klewas gorra aga diwleuv war y benn, ha gwres oll an kuntelles y labydha.

Yowann 19:4

Ha Pilat eth yn-mes arta ha leverel dhedha, ‘Otta, my a'n dro yn-mes dhywgh, rag may hwodhvowgh na welav ken vytholl er y bynn.’

Oberow 12:4

Wosa y dhalghenna, ev a'n gorras yn prison, orth y ri dhe beswar para a soudoryon rag y witha, owth mynnes y dhri a-dherag an bobel wosa an pask.

Oberow 12:6

Pan o Herod parys dh'y dhri yn-rag, y'n nos na yth esa Peder ow koska yntra dew souder, kelmys gans dew jayn, hag yth esa gwithysi dherag an daras ow kwitha an prison.

Yoshua 10:23

I a wrug yndella, ha dri yn-mes dhodho an pymp myghtern ma dhiworth an kav, myghtern Yerusalem, myghtern Hebron, myghtern Yarmuth, myghtern Lakish ha myghtern Eglon.

Yoshua 2:2

Y feu derivys dhe vyghtern Yeriko ow leverel, ‘Awotta gwer a vebyon Ysrael a dheuth omma haneth rag aspia an tir.’

Yoshua 2:4

Mes an venyn a gemmeras an dhew wour ha'ga hudha. Hag yn-medh hi, ‘Yn hwir, an wer a dheuth dhymm, mes ny wodhyen a-ble.

Breusysi 4:20

Yn-medh ev dhedhi, ‘Sav orth entrans an tylda ha mar teu nebonan ha govynn, “Eus nebonan omma?” lavar “Nag eus” ’