Yoshua 2:19 - An Bibel Kernewek 20234 (Kernewek Kemmyn)

¹⁹ Piwpynag ello yn-mes a dharasow dha ji bys y'n stretys, y woes ev a vydh war y benn y honan, ha kwit vydhyn. Mes piwpynag a vo genes y'n chi, y woes ev a vydh war agan penn ni mars yw tewlys diwla warnodho.

Yoshua 2:19 Iomraidhean Croise

2 Samuel 1:16

Yn-medh Davydh dhodho, ‘Bedhes dha woes war dha benn dha honan; rag dha anow re dhustunias er dha bynn, ow leverel, “My re ladhas untys an Arloedh.” ’

2 Samuel 4:11

Pygemmys moy ytho, pan ladhas tebeles gour gwiryon yn y ji y honan war y weli! A ny wrav vy rakhenna hwilas y woes a'gas leuv, ha'gas remova dhiworth an norvys?’

1 Myghternedh 2:32

Ha'n Arloedh a wra dh'y woes dehweles war y benn ev y honan, rag heb godhvos ow thas Davydh, ev a goedhas war dhew wour moy gwiryon ha gwell agesso ev, ha'ga ladha gans an kledha: Abner mab Ner, kapten lu Ysrael, hag Amasa mab Yether, kapten lu Yuda.

Eksodus 12:13

An goes a vydh tokyn dhywgh, war an chiow le mayth esowgh; ha pan welav an goes, my a wra tremena dresowgh, ha ny goedh pla vyth warnowgh dh'agas distrui, pan waskav pow Ejyp.

Eksodus 12:22

Kemmerewgh tyskenn hyssop ha'y troghya y'n goes usi y'n skudell, ha tochya penn an daras ha'n dhew bost-daras gans neppyth a'n goes usi y'n skudell; ha ny wra nagonan ahanowgh mos yn-mes a dharas y ji bys y'n myttin.

Eksodus 12:23

Rag an Arloedh a wra tremena dhe weskel an Ejyptianys, ha pan wel goes war benn an daras ha'n dhew bost-daras, an Arloedh a wra tremena dres an daras, ha ny wra gasa an distruer dhe entra agas chiow dh'agas gweskel.

Levitikus 20:11

Ha'n gour a wrowedh gans gwreg y das re dhiskudhas noethedh y das, aga dew a vydh gorrys dhe'n mernans yn sur; aga goes a vydh warnedha i.

Levitikus 20:9

Rag piwpynag a vollettho y das po y vamm a vydh gorrys dhe'n mernans yn sur. Ev re vollethis y das ha'y vamm. Y woes a vydh warnodho.

Matthew 24:17

neb usi war do an chi na wres diyskynna rag kyrghes neppyth yn-mes a'y ji,

Oberow 18:6

Mes pan sevsons er y bynn ha kewsel blasfemi, ev a shakyas y dhillas ha leverel dhedha, ‘Re bo agas goes war agas penn agas honan; glan ov vy. Alemma rag, mos dhe'n Jentilys a wrav.’

Oberow 20:26

Rakhenna my a dheg dustuni dhywgh y'n jydh hedhyw ow bos glan a woes tus oll;

Oberow 27:31

Powl a leveris dhe'n penn-kangour ha dhe'n soudoryon, ‘Marnas an re ma a worta y'n gorhel ny yllowgh hwi bos sawys.’

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Yoshua 2:12

Ha lemmyn, tewgh dhymm re'n Arloedh, dell wrugavy kuvder dhywgh, hwi ynwedh dhe dhiskwedhes kuvder dhe ji ow thas. Rewgh dhymm tokyn sur

Yoshua 2:14

Yn-medh an wer dhedhi, ‘Re bo agan bewnans ni ragowgh bys y'n mernans! Mar ny dhiskudhowgh agan negys, pan re an Arloedh dhyn an tir, ny a'th tyght gans tregeredh ha lelder.’

Yoshua 2:20

Mes mar tiskwedhydh agan negys, kwit vydhyn a'th ti a wrussys dhyn y di.’