Yoshua 2:10 - An Bibel Kernewek 20234 (Kernewek Kemmyn)

¹⁰ Ni re glewas fatell dhesyghas an Arloedh dowrow an Mor Rudh a-ragowgh pan ethewgh yn-mes a Ejyp, ha'n pyth a wrussowgh dhe dhew vyghtern an Amorysi esa dres an Yordan, dhe Sihon ha dhe Og, a sakersys dhe dhistruyans.

Yoshua 2:10 Iomraidhean Croise

Salmow 74:15

Ty a folsas an fenten ha'n fros; ty a dhesyghas avonyow prest ow resek.

Niverow 20:14

Moyses a dhannvonas kannasow a Kadesh dhe vyghtern Edom, ‘Yndellma y lever dha vroder Ysrael: Ty a woer oll an anken yw hwarvedhys dhyn:

Niverow 23:22

Duw a's dre yn-mes a Ejyp; i a's teves, dell hevel, kern an ojyon gwyls.

Niverow 24:8

Duw a'n dre yn-mes a Ejyp; ev a'n jeves dell hevel kern an ojyon gwyls, ev a wra dybri kenedhlow y eskerens, ha terri aga eskern, ha'ga gwana gans y sethow.

Dewteronomi 2:30

Mes ny vynnas Sihon myghtern Heshbon agan gasa dhe dreusi, drefenn an Arloedh dha Dhuw dhe avleythi y spyrys ha kaleshe y golonn, rag ma'n rolla y'th leuv, avel an jydh ma.

Yoshua 24:12

My a dhannvonas an hwyrnores a-dheragowgh, dhe jasya yn-mes a-dheragowgh dew vyghtern an Amorysi; mes nyns o gans dha gledha jy na gans dha warak jy.

Yoshua 4:24

may hwodhve oll poblow an norvys bos krev leuv an Arloedh, ha may perthewgh own a'n Arloedh agas Duw bys vykken.’

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.

Yoshua 9:10

ha pup-tra a wrug dhe dhew vyghtern an Amorysi esa dres an Yordan, dhe Sihon myghtern Heshbon, ha dhe Og myghtern Bashan trigys yn Ashtaroth.