Yoshua 2:1 - An Bibel Kernewek 20234 (Kernewek Kemmyn)

¹ Yoshua mab Nun a ragdhannvonas dew wour dhiworth Shittim dhe aspia yn-dann gel, ow leverel, ‘Kewgh dhe vires orth an tir, hag yn arbennik Yeriko.’ Ytho i eth, ha dos dhe ji hora, Rahab hy hanow, hag i a spenas an nos ena.

Yoshua 2:1 Iomraidhean Croise

Jenesis 42:16

Dannvenewgh onan ahanowgh dhe gyrghes agas broder, ha hwi a vydh kelmys, may fo prevys agas geryow, mars eus gwirder genowgh. Ha mar nyns eus, re vewnans Faro, aspioryon owgh hwi yn surredi.’

Jenesis 42:9

Ena Yosep a borthas kov a'n hunrosow re wrussa hunrosa anedha, ha leverel dhedha, ‘Aspioryon owgh hwi. Devedhys owgh dhe weles noethedh an tir.’

Mika 6:5

Ow fobel vy, porth kov a'n pyth a gusulyas Balak myghtern Moab, hag a'n pyth a worthybis dhodho Balaam mab Beor, hag a'n pyth a hwarva dhiworth Shittim bys Gilgal, rag mayth aswonni gweythresow gwiryon an Arloedh.’

Niverow 13:1

An Arloedh a leveris dhe Moyses,

Niverow 13:2

‘Dannvon gwer dhe aspia pow Kanan, hag a rov dhe vebyon Ysrael; a bub loeth a'ga thasow ty a dhannvon gour, pubonan hembrenkyas yntredha.’

Niverow 25:1

Hag Ysrael ow triga yn Shittim, an bobel a dhallathas horya gans mowesi Moab.

Niverow 33:49

i a gampyas ryb an Yordan a-dhiworth Beth-yeshimoth bys yn Abel-shittim yn plenys Moab.

Matthew 1:5

ha Salmon a dhineythis Boaz a Rahab, ha Boaz a dhineythis Obed a Ruth, hag Obed a dhineythis Yesse,

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Efesianys 5:5

Godhvydhewgh hemma: denvyth ow kul fornikasyon, na den plos, na den kraf, henn yw gordhyer idolys, ny'n jeves eretons yn gwlaskor Krist ha Duw.

Ebrowyon 11:31

Dre fydh ny veu ledhys Rahab an hora war-barth gans an re dhiwostydh, rag hi dhe dhegemmeres an aspioryon yn kres.

Jamys 2:25

Hag y'n keth vaner, a ny veu Rahab an hora justifiys dre wriansow ha hi ow wolkomma an kannasow ha'ga dannvon alena dre fordh arall?

Yoshua 1:18

Piwpynag a vo diwostydh dhe'th arghadow ha neb na woslow orth dha lavarow, pup-tra a worhemmynnydh dhodho, a vydh gorrys dhe'n mernans. Mes bydh krev ha bydh kolonnek.’

Yoshua 2:2

Y feu derivys dhe vyghtern Yeriko ow leverel, ‘Awotta gwer a vebyon Ysrael a dheuth omma haneth rag aspia an tir.’

Yoshua 21:31

Helkath gans hy feurva, ha Rehob gans hy feurva: peder sita.

Yoshua 3:1

Yoshua a sevis myttin a-varr hag i eth yn-kerdh dhiworth Shittim ha dos bys y'n Yordan, ev hag oll an Ysraelysi. I a wortas ena kyns i dhe dreusi.

Yoshua 5:10

An Ysraelysi a gampyas yn Gilgal, hag i a solempnyas an pask yn peswardhegves dydh an mis gorthugherweyth yn plenys Yeriko.

Breusysi 1:23

Chi Yosep a dhannvonas tus dhe aspia war Bethel (ha hanow an sita seuladhydh o Luz).

Breusysi 18:14

Ena an pymp gour a via gyllys dhe aspia an tir (henn yw Laish) a leveris dh'aga breder, ‘A wodhowgh hwi bos yn chiow ma efod, terafim hag imaj? Lemmyn ytho ombrederewgh pandr'a wrewgh.’

Breusysi 18:17

An pymp gour a via gyllys dhe aspia an tir a entras hag a gemmeras an imaj, an efod ha'n terafim. Yth esa an oferyas ow sevel orth entrans an yet gans an hwegh kans gour o ervys gans arvow a vresel.

Breusysi 18:2

Ytho an Danysi a dhannvonas pymp gour kolonnek yn-mes a'ga niver kowal, dhiworth Sora ha dhiworth Eshtaol rag aspia an tir ha'y hwithra; hag yn-medhons dhedha, ‘Kewgh, hwithrewgh an tir.’ Pan dheuthons dhe vro venydhyek Efraym, dhe ji Mika, i a spenas an nos ena.