Yoshua 18:7 - An Bibel Kernewek 20234 (Kernewek Kemmyn)

⁷ Mes nyns eus rann yn agas mysk dhe'n Levysi, rag oferyaseth an Arloedh yw aga eretons. Gad, Rewben ha hanter-loeth Manasse re dhegemmeras aga eretons dres an Yordan troha'n howldrevel, a ros dhedha Moyses gwas an Arloedh.’

Yoshua 18:7 Iomraidhean Croise

Niverow 18:20

Ha'n Arloedh a leveris dhe Aron: Ny' fydh eretons yn aga thir, na ny' fydh rann vyth yntredha; my yw dha rann ha'th eretons yn mysk mebyon Ysrael.

Niverow 18:23

Mes an Levysi a wra servis tylda an kuntelles, hag i a wra doen aga hammweyth; y fydh ordenans bys vykken der agas henedhow; hag yn mysk mebyon Ysrael ny's tevydh eretons.

Niverow 18:7

Ha ty ha'th vebyon genes a wra attendya agas oferyaseth rag pup-tra ow tochya an alter hag a-ji dhe'n groglenn; ha hwi a wra servya. My a re agas oferyaseth yn ro; ha'n estren a dheu ogas a vydh gorrys dhe'n mernans.

Dewteronomi 10:9

Rakhenna ny veu dhe Levi rann nag eretons gans y vreder; an Arloedh yw y eretons kepar dell gewsis an Arloedh dha Dhuw dhodho.)

Yoshua 12:6

Moyses, gwas an Arloedh, ha'n Ysraelysi a's gweskis; ha Moyses gwas an Arloedh a'n ros avel eretons dhe'n Rewbenysi, an Gadysi ha'n hanter-loeth Manasse.

Yoshua 13:33

Mes ny ros Moyses eretons dhe loeth Levi; an Arloedh Duw yw aga eretons, dell leveris dhedha.