Yoshua 18:1 - An Bibel Kernewek 20234 (Kernewek Kemmyn)

¹ Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.

Yoshua 18:1 Iomraidhean Croise

2 Samuel 7:6

Ny drigis yn chi a-dhia'n jydh may tres mebyon Ysrael yn-bann yn-mes a Ejyp, mes bys y'n jydh hedhyw, my re beu ow kerdhes a-dro yn tylda hag yn tabernakel.

1 Myghternedh 14:2

Yeroboam a leveris dh'y wreg, ‘Ke, omdoellwisk, ma na vydh godhvedhys dha vos gwreg Yeroboam, ha mos dhe Shilo; rag yma an profoes Ahiya ena, a leveris dhymm y koetthiv bos myghtern war an bobel ma.

1 Myghternedh 14:4

Gwreg Yeroboam a wrug yndellma; hi eth yn-rag dhe Shilo, ha dos dhe ji Ahiya. Ny ylli Ahiya gweles, drefenn bos y dhewlagas gwann dre gothni.

1 Myghternedh 2:27

Ytho Solomon a wordhellos Abiathar dhiworth oferyaseth an Arloedh; ow kewera yndella ger an Arloedh, a leveris a-dro dhe ji Eli yn Shilo.

Nehemia 9:24

Aga mebyon a entras hag erita an tir, ha ty a fethas a-dheragdha annedhysi an tir, an Kananysi, ha'ga ri yn aga leuv, gans aga myghternedh, ha poblow an tir, may hwrellens gansa herwydh aga flesour.

Salmow 78:60

Ytho ev a forsakyas an tabernakel yn Shilo, an tylda a worrsa yn mysk mab-den.

Salmow 78:66

Ev a weskis y eskerens war-tu delergh, hag a ros disenor dhedha bynitha.

Yeremia 26:6

ena my a wra an chi avel Shilo ha gul an sita ma bos molleth dhe oll genedhlow an nor.

Yeremia 26:9

Prag y profoessys yn hanow an Arloedh, ow leverel, “An chi ma a vydh avel Shilo, ha'n sita ma a vydh ynyal, heb annedhyas”?’ Hag oll an bobel a omguntellas a-dro dhe Yeremia yn chi an Arloedh.

Yeremia 41:5

gwer a dheuth a-dhiworth Shekem ha Shilo ha Samaria, ha'ga barvow treghys ha'ga dillas fregys, ha'ga horf treghys, gans offrynnow greun ha frankynkys yn aga leuv, dh'aga dri dhe ji an Arloedh.

Niverow 32:22

ha'n tir bos fethys a-dherag an Arloedh; a-wosa, hwi a wra dehweles ha bos heb blam a-rag an Arloedh hag a-rag Ysrael; ha'n tir ma a vydh agas perghennogeth a-dherag an Arloedh.

Oberow 7:45

Pan y'n degemmersens, agan tasow a'n dros gans Yoshua pan fessons an kenedhlow hag a dewlis Duw yn-mes a-dherag agan tasow, bys yn dydhyow Davydh,

Yoshua 18:2

Mes gesys veu yn mysk an Ysraelysi seyth loeth na dhegemmersa aga eretons.

Yoshua 18:8

Ytho an wer a sevis ha mos; ha Yoshua a worhemmynnis dhedha arhwithra an tir, ow leverel, ‘Kewgh ha kerdhewgh der an tir ha'y arhwithra, ha dehwelewgh dhymm; ha my a dewl prennyer ragowgh omma a-rag an Arloedh yn Shilo.’

Yoshua 19:51

An re ma yw an ertaj a rannas Eleazar an oferyas, ha Yoshua mab Nun ha pennow teyluyow loethow an Ysraelysi rag eretons, ow tewlel prenn yn Shilo a-rag an Arloedh, yn entrans tylda an kuntelles. Yndella i a gowlwrug rannans an tir.

Yoshua 21:2

hag i a leveris dhedha yn Shilo yn pow Kanan, ‘An Arloedh a worhemmynnis dre leuv Moyses ri dhyn sitys rag triga ynna, war-barth gans peurvaow rag agan bestes.’

Yoshua 22:12

Pan glewas an Ysraelysi anodho, oll kuntelles mebyon Ysrael a omguntellas yn Shilo, rag gwerrya er aga fynn.

Yoshua 22:19

Mes mars yw avlan tir agas perghennogeth, treusewgh dhe dir perghennogeth an Arloedh le may powes tabernakel an Arloedh, ha kemmerewgh rann ragowgh agas honan yn agan mysk. Saw na rebellyewgh erbynn an Arloedh na er agan pynn ni, ow trehevel ragowgh alter nag yw alter an Arloedh agan Duw.

Yoshua 22:9

Ytho mebyon Rewben ha mebyon Gad ha hanter-loeth Manasse a dhehwelis ha diberth a'n Ysraelysi yn Shilo, usi yn pow Kanan, rag mos dhe bow Gilead, dhe dir aga ferghennogeth re gemmersens war-lergh ganow an Arloedh dre leuv Moyses.

Breusysi 18:31

Yndella i a dhrehevis ragdha aga honan an imaj re wrussa Mika, hag y feu ena oll an termyn may feu chi Duw yn Shilo.

Breusysi 21:12

Hag i a gavas yn mysk trigoryon Yabesh-gilead peswar kans gwyrghes yowynk na gosksons gans gour hag i a's dros dhe'n kamp yn Shilo, usi yn pow Kanan.

Breusysi 21:19

Ytho i a leveris, ‘Mirewgh, goel blydhenyek an Arloedh a hwyrvydh yn Shilo, usi a'n gledhbarth dhe Bethel, a'n est dhe'n fordh-veur a Bethel dhe Shekem, hag a'n dhyghowbarth a Lebona.’

1 Samuel 1:24

Ha wosa hi dh'y dhidhena, hi a'n kemmeras yn-bann gensi, gans lodhen tri bloedh, hag unn efa a vleus, ha seth a win. Hi a'n dros dhe ji an Arloedh yn Shilo; ha'n maw o yowynk.

1 Samuel 1:3

Ha'n gour ma a wre mos yn-bann mes a'y sita blydhen wosa blydhen dhe wordhya ha sakrifia dhe Arloedh an luyow yn Shilo, le mayth esa an dhew vab a Eli, Hofni ha Finehas, oferysi an Arloedh.